影片
更多
2019-05-20
90 瀏覽
一直都知道莆田係米芝蓮餐廳，以為價錢應該唔親民！點知睇下餐牌，又覺得價錢可以接受喎！就去試下！今次去咗尖沙咀莆田食，係美麗華二期。裝修比較新穎，唔似傳統中式食肆。莆田係新加坡嚟既褔建菜，算係眾多過江龍中，較好水準嘅一間，平均消費幾百蚊。其中，特別係$198兩份嘅蟶子餐，有八款口味，款款都吸引，簡咗好耐先簡到鐵板鹽焗蟶子同叁芭爆蟶肉。冰浸苦瓜，苦瓜切片冰底上枱，賣相幾好，味道少苦有甘，配蜜糖食幾清新。鐵板鹽焗蟶子，用左超熱熱的鐵板上菜，滿滿既粗鹽底，上面放上蟶子，蟶子有用鹽烤過既，用手打開蟶子殼，裡面仲有蒸汽噴出，蟶子烤過仲好有水份，食落幾清甜，咸度剛剛好，份量足夠，食到我停唔到手。🤤叁芭爆蟶肉，蟶子既第二種做法，醬爆加韭菜絲，一般大排檔炒法，比鹽烤多水份，多左層醬汁味，送飯幾好。莆田荔枝肉，其實就係咕嚕肉，荔枝醬汁酸甜味香、肉汁滋潤鮮美。扁肉湯偏重口味，不過都勝在無咩油，扁肉好似小型魚皮餃，皮又薄又有咬口。興化炒米粉，米粉勁幼，係普通米粉既4分1，口感特別，好乾身，配料有碎肉、花生、紫菜、蔥，紫菜炒過好香口，米粉味道比較清淡，加咗配料味道即係提升曬。最後要提一提，我好喜歡飲茶，莆田用嘅
一直都知道莆田係米芝蓮餐廳，以為價錢應該唔親民！點知睇下餐牌，又覺得價錢可以接受喎！就去試下！今次去咗尖沙咀莆田食，係美麗華二期。裝修比較新穎，唔似傳統中式食肆。
莆田係新加坡嚟既褔建菜，算係眾多過江龍中，較好水準嘅一間，平均消費幾百蚊。
其中，特別係$198兩份嘅蟶子餐，有八款口味，款款都吸引，簡咗好耐先簡到鐵板鹽焗蟶子同叁芭爆蟶肉。
冰浸苦瓜，苦瓜切片冰底上枱，賣相幾好，味道少苦有甘，配蜜糖食幾清新。
鐵板鹽焗蟶子，用左超熱熱的鐵板上菜，滿滿既粗鹽底，上面放上蟶子，蟶子有用鹽烤過既，用手打開蟶子殼，裡面仲有蒸汽噴出，蟶子烤過仲好有水份，食落幾清甜，咸度剛剛好，份量足夠，食到我停唔到手。🤤
叁芭爆蟶肉，蟶子既第二種做法，醬爆加韭菜絲，一般大排檔炒法，比鹽烤多水份，多左層醬汁味，送飯幾好。
莆田荔枝肉，其實就係咕嚕肉，荔枝醬汁酸甜味香、肉汁滋潤鮮美。
扁肉湯偏重口味，不過都勝在無咩油，扁肉好似小型魚皮餃，皮又薄又有咬口。
興化炒米粉，米粉勁幼，係普通米粉既4分1，口感特別，好乾身，配料有碎肉、花生、紫菜、蔥，紫菜炒過好香口，米粉味道比較清淡，加咗配料味道即係提升曬。
最後要提一提，我好喜歡飲茶，莆田用嘅係菊花杞子茶。仲用茶包袋好。菊花味好清香。
張貼
