夢工房西日料理 (已結業)

朋友生日，又撞正完sem，大家可以聚埋一齊一次過慶祝。抵食又唔算貴的放題，仲有蠔食，葵芳的夢工房便是其中一個好選擇。晚市好多人食，我們等咗一小陣就入到場。入邊個場好大，卡位又闊，坐得舒服自在。日式料理一應俱全，選擇不少。遞咗紙之後，等咗十分鐘到開始上菜。首先上的是刺身，擺盤都幾靚下。三文魚同甘蝦還算新鮮，帶子都唔錯。墨魚片就實在一般。主角生蠔～～今日的生蠔望落去都幾肥幾飽滿，成隻手咁大，好吸引😍淋上檸汁茄醬，一口一個甚是滿足。食的話海水味雖淡，但口感還是不錯的。大蝦天婦羅作為必食項就中規中矩蒜香雞翼蒜香味未够濃，勝在炸得脆。店內有榴槤雪條提供，對榴槤愛好者來說簡直是福音😋當然要食返條先得。尾聲要個火鍋灼些菜來暖下胃，生菜翠綠新鮮，挺清甜的。生日仲有八八折，真係抵呀！