夢工房西日料理 (已結業)

正常放題質素，食物正常，沒有驚喜，價錢就一般，又唔太平，但全店服務態度極差，沒有服務可言。由一入門口，要自己行去收銀到，報返自己幾多位，再大聲叫個人，好唔願意帶你去檯，黑口黑口樓面態度差，點知一山還有一山高，個傳菜仲衰，直接將啲新既食物，放係啲唔要既碟上面，我就算大排檔都唔會咁拉，呢間一定冇下次，一定唔會再去。

如果為左填飽個肚，唔理味覺就歡迎入內填肚，壽司飯好酸，其中要加錢的拖羅冰感十足，咬下件件嗰啲冰醉，惟有自我溶雪擺大半個鐘先食，個沙律仲大鑊，菜係咖啡色邊，hmmm!!左口魚邊壽司係最好味嗰種。用250食個飽不過無好諗住有質素。

4月時為慶祝生日食咗呢間dinner buffet最爽係嗰期有生日免費優惠當日生日可以免人頭費，有人當日生日就可以用到個優惠即係2個人只需俾1個人價錢，埋單加埋一都唔使200蚊！之前食過一次係用剔紙方式今次去食已經變成用APP點餐款式唔算多，其第2、第3 round已經係咁重覆叫嘢食刺身同壽司質素比之前好咗，啲雪味無咁勁串燒同燒物炸物反而幾OK有舊係薯絲蝦，用薯仔刨絲包裹蝦肉幾得意焗蠔炸蠔都唔錯，凍蝦都幾爽甜係甜品比較失色，出面攞嗰啲蛋糕難食過美心蛋糕最多喺APP叫嗰2個獨立裝嘅雪糕好啦最大特色真係一個平價放題想慳啲錢又想過口癮就好啱食

星期日路過葵涌，好耐無食放題，搵下附近有無先。咁啱葵芳有間，咁多好評，既管去試下啦。結果，呵呵。刺身：款式不多，無傳說中既三文魚腩，䲞魚是冰的, I mean, 真係冰，未溶。燒物：燒蠔係全場最好食既，但黎第二轉既時候未燒透，有腥味。其他燒物例如雞軟骨就無乜未。壽司：正路，不過不失。簡單黎講，168星期日中午食放題，ok啦；但如果你對食物質素有啲啲要求，建議你俾貴少少，可以食好好多。俾我再揀一次，我寧願是隔離酒樓；如果一定要食，我一定唔會加錢食刺身。至於點解咁多好評，呵呵，我真係不予置評咯。

呢間日式放題已食過好幾次，今晚又想同我的他重溫一下🥰以前係填紙落單，今次餐廳已跟隨大勢，嘟咗QR Code後網上落單，咁樣真係好方便，環保之餘亦絕不會漏單👍入咗餐廳，見到依然係好多款飲品、甜品同埋雪糕任君選擇😋竟然仲見到到幾款「冰水果」，幾特別喎🤩餐廳防疫措施做得好，枱與枱之間都隔有膠板，防止病毒傳播👏刺身款式好多，都食唔哂咁多款，所以點咗幾款最鍾意食嘅熱下身！象拔蚌、蠑螺好鮮甜爽口😋甜蝦好甜好新鮮，大愛🥰餐廳嘅美食要數一下黃金焗蠔，用咗沙律醬酸酸甜甜，加上蠔剛剛熟，仍然好多汁，令人胃口大開👍其他熟食亦點了不少，餐廳嘅羊架、煎牛扒做得很好，肉汁豐富，我的他也讚不絕口🤣炸物上到枱非常熱辣辣，當然有點芝心蝦丸，芝士味濃，好喜歡💕一定要點的當然係榴槤炸彈！糯米炸皮内的榴槤蓉非常濃郁，外脆內軟真係令我倆停唔到口！每人都食咗好幾粒🤣最吸引嘅放題店就係咩都有得食，呢度可以點埋火鍋，我哋點咗豬骨湯底，奶白色嘅湯底好足味，我哋簡單點咗肥牛、牛丸、豬肉丸、餃子、蘿蔔過吓癮🤣嚟到甜品時間已經好飽，完全食唔到芝士蛋糕呢類型太飽肚嘅甜品😵所以我倆揀選咗喜歡嘅甜筒、雪條、冰水果作結🤪呢度都有奶蓋芝士桃茶新口味甜

可能好多人都唔知,原來葵芳地鐡站樓上有一間放題,我都係有個朋友住呢到附近,佢成日周圍搵野食先介紹到呢間俾我地.呢間放題唔算大又唔算細,不過可以地方唔太多人知,又可能疫情關係,所以唔太多人.門口已經放左好多飲品,熟食,甜品等等,所以款式都算多.另外仲有好多刺身,炸物,鍋物等等,可以用手機影QR Code落單,非常方便!!一開始緊係叫左刺身先啦,佢款式都算多既,基本既三文魚,甜蝦,八爪魚,希靈魚等等都有,三文魚厚厚一片,魚既油香濃郁,新鮮好味.甜蝦最鐘意有頭,可以食蝦頭入面既膏,配蝦身既爽甜肉質,絕配.仲有希靈魚,唔係到到都好味,呢間真係好味,又鮮甜,又爽口,最重要冇魚腥味!!另外仲有其他熟食,例如呢個炸天婦羅,即叫即炸,外脆入熱,蝦夠爽口,蟹柳有蟹味,甜甜地,唔會係個D粉蟹柳,仲有好特別既炸獅子狗,因為炸既關係,所以令到粒獅子狗更加脆口,帳卜卜,好得意!!其餘仲有羊架,佢好特別,唔似出面個D煎好一條條羊架骨,佢似羊扒,肉比較多,仲好多汁,羊味非常濃郁,鐘意食羊既你,一定要叫!!!最後係出面花茶區自己配搭左一壺茶清一清口,咁就完美啦~

今日去左葵芳行街,正常黎講,去得葵芳一定係去食葵芳廣場,但今日特別肚餓,上網一搵,原來呢到有間放題,即刻走去食啦~地方唔算大,不過人就好滿~門口放飲品,熟食,甜品,行入去之前,已經拎左杯熱茶同冷盤凍蝦先,之後就跟店員入去坐底~佢係用手機掃QR code落單,而家已經好多餐廳都係咁,唔洗怕留單/冇個樣野,直接一睇就知道~款式都算多,有焗蠔,天婦羅,豬大腸,炸蠔,炸蝦條,一口芝士,餃子,串燒,薄餅等等,令我重覆叫左兩三次既焗蠔真係好好味.蠔肉算大粒,岩岩焗起熱辣辣,仲有好多蠔汁留係入面~炸物都唔錯,全部都非常脆口,唔似反炸/炸完放左好耐咁~放題當然唔小得刺身啦,三文魚又厚又大片,甜蝦大大隻好爽甜,爆膏,帶子鮮甜!!凍蝦爽甜大隻又新鮮,出面無限不停加,唔怕食完俾人拎曬冇得食~初時見到沽清,以為冇打邊爐,但見到對面枱,原來係要問店員,即刻叫左個壽喜燒湯底,唔算太濃,不過細細煲,岩岩好~火鍋材料款式就唔算多,不過都夠曬,最主要既牛肉,生菜,丸,蟹柳,生根都有,牛肉一定唔係頂級,不過都唔差,肥瘦各一半,唔煮太耐都算嫩,生菜,生根可以吸出湯底既甜味,好味.另外仲有其他野食,唔怕食唔飽~

媽媽一向喜歡放題、自助餐，又快到她的生日，所以就帶她來開心吃。餐廳走工業風，佈置色彩繽紛，環境讓人愉快。落單用QR code。首推焗蠔，有兩款，分別是芝士和蒜香。兩款都好，不過我比較喜歡芝士😂。芝士和蒜香各自都十分香濃，而焗蠔本身亦很有鮮味，很不錯。😋這裡上菜速度非常快，下單不久，食物就很快一碟碟陸續送上。而且沒有漏單。👍刺身新鮮。三文魚肥美結實。壽司每款都不錯，特別是火焰芝士三文魚、火焰黑松露帶子和中拖羅。炸物樣樣都熱辣辣脆卜卜。薯絲蝦、炸餃子、單骨雞翼、吉列蠔、香芋丸、榴槤炸彈，每款都好吃。😋這兩款火焰反卷，三文魚、芝士蝦，都好味。特別三文魚，十分甘鮮肥美。估不到麻辣肥腸也有，不過只吃了兩件，因為太肥仔了。因為很飽了，所以沒有點火鍋吃，都已經滿足了。😊

在葵芳地鐵站附近逛完街，順便來這裡吃放題。先點了刺身跟壽司。刺身很新鮮！三文魚、希靈魚、立魚、八爪魚、螺、象拔蚌、墨魚、甜蝦，全部都新鮮。特別是甜蝦和螺，很鮮甜。黑松露帶子壽司、中拖羅壽司、虎蝦壽司、油甘魚壽司和花之戀壽司都非常好。刺身又厚又新鮮，酢飯偏小，和刺身一起吃剛剛好。熟食方便，蒜香燒蠔和黃金燒蠔很推薦。蒜香燒蠔上面鋪了厚厚的蒜茸，和鮮甜的蠔一起燒得剛剛好，蠔汁跟蒜茸令人非常滿足。黃金燒蠔是芝士。燒得溶化的芝士，跟蠔一起吃也味道豐富、口感滿足。.甜品的蕉糖藍海塩雪糕很特別！藍色的雪糕看起來很夢幻，吃下來鹹味跟甜味互配，兩種味道都很突出！這裡交通方便，環境乾淨、舒服；服務也很好，不漏單，又上菜快，整體很好。

好多野食都好快冇哂，同埋要用自己電話叫野食呢個程序安排唔係咁好，如果咁就好影響客人的自由度，（如果電話冇電咪冇得食？），最好竹每張枱面都有一部機比客人落單，仲有職員收碗碟好嘈成日都有職員跌 碗碟落地

今日搵咗間放題店食，食晚市$178一位-但係我地食完先發現原來openrice出咗優惠現金卷$118就有5小時晚市放題。。。不過要比翻$48定$58服務費，計翻點都抵過原價😭😭 -不過$178都抵食！性比價都高！-呢到用Qr code點餐嘅，有啲就出去自助區攞自助區有飲品、甜品、火鍋醬料等等攞，都多選擇嗌咗好多野食！上菜速度ok嘅可接受以下係qr code點嘅野食：天婦羅新鮮炸起仲熱辣辣～炸粉唔厚，茄子最好食😋爆汁！刺身～都幾鮮甜，融雪做得唔錯👍🏻我地最鍾意佢嘅黃金焗蠔～真係好好食！蠔新鮮，配埋白汁芝士，正！嗌咗好多隻🤣最後仲打埋邊爐，好豐富好滿足～火鍋配料都幾好食😋

喺葵芳返工返左咁耐都唔知原來公司附近有一間放題，聽同事講原來平時都人山人海，可見口碑唔錯應該都值得一試嘅，呢一晚夾到老公放假就一於試吓啦，餐廳嘅佈置都非常有心思周圍都有唔同嘅poster或者模型，啲燈都非常有特色，至於食物方面我覺得魚生都幾值得推介，平時出去食嘅放題多數都係唔多新鮮，但估唔到呢度有驚喜，食材方便新鮮而且都幾厚切，熟食方便選擇都好多，多到你根本就食唔晒呀，總括嚟講係一間CP值極高嘅餐廳，下次一定要帶埋屋企人嚟再試過！

從前每次吃放題都要帶上一個秘書，因為有很多分類的小單子需要處理，但現在只要scan QRcode就可以在自己的手提電話點餐，而且不用共用一機，很方便。當然是先來一波刺身，三文魚不可少，鱲魚也不錯、象拔蚌算爽口。壽司最愛左口魚和花之戀，其他的卷物也不錯。這裡的炸物十分新鮮，應該是即叫即炸的，香脆皮薄、十分吸引。放題與自助餐不同的是，大部份的食物需要點餐，而自助餐則大部份食物都是自取的。在疫情不穩情況下，放題可說是一個不錯的選擇。

沒有外出吃飯已多個月， 近期情況稍為轉好，是時候再外出食好東西， 就找一間離家不遠又可滿足放縱的餐廳，放題最適合不過。已不是第一次到夢工房食放題， 一來喜歡闊落的座位，二來性價比確實不錯，每人不用$200就可滿足狂食的慾望。一入餐廳，想不到食客都不少，相信大部分人都應該閉關了很久了。 現在落單非常方便只需拍下QR code, 用自己手機揀選食物，方便又衛生。飲品選擇算多，多款啤酒、黑啤、還有清酒、梅酒相當吸引， 可惜近排 想戒酒所以只好忍耐。另一邊還有多種花茶選擇， 最後都是飲茶， 免得減弱戰鬥力。刺身質素不錯， 叫完一碟又一碟， 三文魚腩相當肥美， 立魚和甜蝦亦食到停不了口。 象拔蚌也不容錯過。壽司飯量適中，不會過大， 火燄左口魚裙邊與油甘魚必定要點， 喜歡食肥美刺身的人一定鍾意。炸物/小食自製四小碟: 一口腸、枝豆、麻辣豬腸、蒜香雞翼尖，再加上鹽燒多春魚、鹽燒秋刀魚、蒜味單骨雞翼、鹽燒雞軟骨串，一次過滿足了貪吃但吃不多的我，特別喜愛蒜味單骨雞翼，蒜香味香濃，又剪成單骨，吃得超方便，大愛呀！最後再點了濃湯煮蜆、蒜香燒蠔、芝士牛油什菌、羊架，將這餐畫上完美句號。其實可惜太飽，我試不到拉

朋友知我搬了去葵芳酒店暫住，她話要來housewarming，哈！也不是我的新居，也來housewarming? Anyway，她是很有心。既然朋友咁有心，當然我也盡「地主」之誼，帶她在附近吃頓豐富的晚餐。不是第一次來到這間放題店，會再encore，那當然是不錯之選。環境沒有大的變動，仍然掛着各式各樣的鐵牌、黑膠唱碟、數字牌等滿有特色的裝飾品。喜歡這裏夠闊落，有多排卡座和多張長枱，還有獨立房間。晚巿放題任食2小時，不同時段入座收費不同，星期一至五5:30pm-6:30pm前成人收費為($158+10%)；6:30pm-8:30pm入座成人收費為($178+10%)；8:30pm後入座成人收費為($148+10%)，還有全時段成人收費為($258+10%)，而星期六日、公眾假期及前夕5:30pm-6:30pm前成人收費為($178+10%)；6:30pm-8:30pm入座成人收費為($198+10%)；8:30pm後入座成人收費為($168+10%)，還有全時段成人收費為($278+10%)。今晚我地就5:30pm-6:30pm前入座($158+10%)，任飲任食2小時。環境沒有變，但點