更多
2020-01-20
27 瀏覽
今日同朋友行經西九龍既戲曲中心,雖然對戲曲冇乜興趣,不過都入去打個圈。原來入面有餐廳,見到呢間食燒鵝既,門面企理,就入去試試!餐廳裝修好有80年代既風味,算盤牆,壁畫,貼滿當代既海報,同戲曲中心好match。點野食先!呢度出名燒鵝,緊係要整返個燒鵝飯啦!朋友就揀左豉油雞瀨,然後我地再叫多個燒腩仔同菜。見到佢地既湯品都好有特色咁,一於叫兩盅試試佢。椰皇燉嫩雞。佢既皇牌湯,原隻椰子挖空加入椰水同雞。聞都聞到香噴噴,飲落清甜,雞肉嫩滑。杏汁花膠燉白肺湯。聽個名都覺得好補,真材實料,濃厚既湯水,飲完覺得胃口更好。玫瑰豉油雞瀨粉。成隻雞脾上,色澤好吸引,咬落去,香濃既豉油配上嫩滑既雞肉,真係冇得頂。主角荔枝柴燒鵝飯。睇佢既單張話係用風筒吹到個皮脆,咁新奇,試下先!個皮真心脆,配埋鵝肉一齊咬,啖啖都係享受,唔怪得係招牌菜啦!脆皮燒腩仔。賣相出色,打橫睇就好明顯見到肥瘦既分佈幾咁均勻,皮脆到有聲,成舊食落去口感一流。菜心。大大碟,又甜又解滯。最後我地加左兩支港式奶茶。我幾鍾意佢茶既份量比較多,飲落有種回甘,值得一試。總括黎講呢一餐絕對係物有所值!PS: 留意到佢出左隻外賣湯杯,仲有埋個手抽,行住飲都
餐廳裝修好有80年代既風味,算盤牆,壁畫,貼滿當代既海報,同戲曲中心好match。
點野食先!呢度出名燒鵝,緊係要整返個燒鵝飯啦!朋友就揀左豉油雞瀨,然後我地再叫多個燒腩仔同菜。見到佢地既湯品都好有特色咁,一於叫兩盅試試佢。
椰皇燉嫩雞。佢既皇牌湯,原隻椰子挖空加入椰水同雞。聞都聞到香噴噴,飲落清甜,雞肉嫩滑。
杏汁花膠燉白肺湯。聽個名都覺得好補,真材實料,濃厚既湯水,飲完覺得胃口更好。
玫瑰豉油雞瀨粉。成隻雞脾上,色澤好吸引,咬落去,香濃既豉油配上嫩滑既雞肉,真係冇得頂。
主角荔枝柴燒鵝飯。睇佢既單張話係用風筒吹到個皮脆,咁新奇,試下先!個皮真心脆,配埋鵝肉一齊咬,啖啖都係享受,唔怪得係招牌菜啦!
脆皮燒腩仔。賣相出色,打橫睇就好明顯見到肥瘦既分佈幾咁均勻,皮脆到有聲,成舊食落去口感一流。
菜心。大大碟,又甜又解滯。
最後我地加左兩支港式奶茶。我幾鍾意佢茶既份量比較多,飲落有種回甘,值得一試。
總括黎講呢一餐絕對係物有所值!
PS: 留意到佢出左隻外賣湯杯,仲有埋個手抽,行住飲都得,幾細心。
張貼