神山麺屋 (創紀之城五期(apm))

營業中

休息中

黎到觀塘apm行街，次次諗唔到食咩又唔想走圍走都會簡食呢間拉麵🍜。而且佢係麺屋武蔵旗下既分店。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆🌸 蕃茄叉燒拉麵 $85差唔多次次黎都會叫呢款拉麵，純粹係鍾意食蕃茄🍅😋，而出邊又好少食到蕃茄湯底既拉麵。雖然湯底既蕃茄味唔太濃，食落清清地，唔鹹、唔油膩，又可以食到蕃茄既酸酸甜甜，越食越開胃。😋✮拉麵食落彈牙同有口感，掛湯力都唔錯。配料有蕃茄、兩塊叉燒、流心蛋、蔥花同薯蓉。✮叉燒偏薄身，肥瘦適中均勻，咬落去幾軟淋。✮祕製流心蛋好出色🥳，好味👍🏻👍🏻煮既時間控制得岩岩好，蛋黃做到半流心既狀態。😋✮薯蓉有咬口，可以食到細細既薯仔粒，加埋d湯就好似飲緊蕃茄薯仔湯😍。🌸神山豚角沾汁麵 $88配料就有豚肉、竹筍、流心蛋同蔥花。✮厚燒豚肉用醬油以高溫燒至表面金黃色同微燶，好吸引😍豚肉呈半肥瘦食落好香，但瘦肉部分有少少乾同嚡，而加埋肥肉一齊食充滿肉汁同油香。😋✮麵就用左獨特既粗坑紋拉麵，掛湯力強，麵質軟硬適中，口感煙韌、彈牙。✮湯頭係用左大量豚骨、豚肉、日本魚介同秘製醬油調味，再加上慢火熬製超過8個鐘而成。沾麵汁夠濃郁，加上蔥花吊味，但略嫌偏油膩。最可惜湯