Swallow Dive

營業中

休息中

經朋友介紹下，嚟到上環呢間上樓私竇，試試手沖咖啡。有別於一般咖啡店，呢度嘅裝潢好raw好簡約，枱都幾乎無張，一入到去最吸晴嘅就係咖啡吧上嘅唱碟機。預約咗下午三點一節，咖啡師先問我哋想飲手沖咖啡、冷泡咖啡定冰滴咖啡，我哋揀咗手沖咖啡，之後佢再介紹有邊幾款咖啡豆可以揀，因應你想試嘅味道沖調。前後試咗兩款，一款係深焙咖啡豆，味道帶點果仁味，aftertaste帶少少酸；另一款淺焙咖啡豆，味道相對無咁濃，略帶花香。睇住整個沖調嘅過程非常治癒，由量度咖啡豆份量、研磨咖啡豆、準備適當溫度同容量嘅熱水、澆濕濾紙到濾沖咖啡，每個步驟都係咖啡師嘅心機，亦直接影響到咖啡嘅味道，所以就算用同一款豆，每次沖調嘅味道都會有所不同。最後再試埋cold brew，口感好順滑，無一般凍咖啡嘅酸澀，感覺好似飲緊冷泡茶。