影片
更多
2024-07-17
110 瀏覽
今日同朋友去咗上環一間叫「1908bc British Chinese」嘅英式中菜餐廳食晚餐，呢間餐廳係由英籍華人主理，餐廳名1908嘅意思係英國出現第一間中菜館嘅年份係1908年，特別有紀念價值。餐廳裝修時尚溫馨，每枱客人之間嘅私隱度都頗高，而且配合英式中餐嘅fusion特色，係中餐擺設嘅座位隔離有個西式設計嘅酒吧。我哋試咗每人$680嘅 Emperor Tasting Menu，每人都有七道菜，份量好充足！🍊 Chef’s Platter頭盤有芝麻蝦多士、陳醋蜜汁排骨同脆皮素春卷，蝦多士炸得香脆而唔油膩，有濃郁嘅芝麻味；排骨嘅甜酸汁好開胃；素春卷嘅餡料份量多，帶有唔同嘅口感🍊 Lake District Seafood Soup 海鮮羹材料充足，包括元貝、豆腐，魚肉、蝦肉、青菜同紅蘿蔔粒粒，食落口感層次豐富，味道偏清淡而帶有淡淡嘅海鮮鮮味🍊Steamed Fresh Scottish Scallop原隻扇貝尺寸大，味道鮮甜，肉質爽口彈牙，配上蒜蓉、豉油同粉絲一齊食，鮮味十足🍊Banging Prawn Bao棒棒吉列蝦掛包係一道充滿英式同中式特色嘅fusion菜，用中式嘅蒸包做外皮
🍊 Chef’s Platter
頭盤有芝麻蝦多士、陳醋蜜汁排骨同脆皮素春卷，蝦多士炸得香脆而唔油膩，有濃郁嘅芝麻味；排骨嘅甜酸汁好開胃；素春卷嘅餡料份量多，帶有唔同嘅口感
🍊 Lake District Seafood Soup
海鮮羹材料充足，包括元貝、豆腐，魚肉、蝦肉、青菜同紅蘿蔔粒粒，食落口感層次豐富，味道偏清淡而帶有淡淡嘅海鮮鮮味
🍊Steamed Fresh Scottish Scallop
原隻扇貝尺寸大，味道鮮甜，肉質爽口彈牙，配上蒜蓉、豉油同粉絲一齊食，鮮味十足
🍊Banging Prawn Bao
棒棒吉列蝦掛包係一道充滿英式同中式特色嘅fusion菜，用中式嘅蒸包做外皮，包住外脆內爽嘅吉列炸蝦，配埋千島醬同沙律菜，成個配搭好新鮮同幾有驚喜
🍊 Roasted Marmalade Spring Chicken
楓樹蜜橙香燒春雞有半隻雞嘅份量，雞肉肉質嫩滑，燒完之後仍然保持到肉汁，楓樹蜜同香橙醬嘅道味好突出，英式煙肉粟米粒炒蛋飯都粒粒分明
🍊 Crispy Beef Short Rib w/Jus
脆皮燒牛肋骨嘅煮法幾特別，外層嘅脆皮炸到好香而口感又幾輕盈，牛肋骨嘅牛味濃郁，肉質幼嫩，配上特製嘅醬汁別有一番風味
🍊 Daily dessert
兩款甜品嘅味道都唔算太甜，有新鮮生果伴碟
🍊 Cocktails
Suzie Wong係一杯荔枝同番石榴做主調嘅signature cocktail，用vodka做底，所以味道清新清甜得嚟酒感都重，加上玫瑰花瓣做視覺同味覺，幾推介大家試吓；Aperol Spritz係一杯酒感濃嘅classic cocktail，用咗Aperol，Prosecco同Soda
📍上環文咸東街22-26號柏廷坊5樓
位置就腳：🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
張貼
