盈苑海鮮酒家

營業中

休息中

【九龍城區】【盈苑海鮮酒家】我成日都講「欣榮花園購物商場命名比賽」呢個賽事，因為冠軍「欣榮商場」呢個名真係改得幾好，點都要幫襯吓佢哋嘅食肆。終於被我搵到機會，同春哥嚟試呢度呢間新嘅酒樓「盈苑海鮮酒家」。唔係講笑，估唔到又幾多人食，留得住香港人喎。我哋先試 $33.8 嘅中點「芋絲炸春卷」同「蜆介鯪魚球」，兩者都熱辣辣，啱晒我。跟住到 $35.8 嘅大點「家鄉煎薄罉」同「黑金流沙奶黃包」，唔知係咪耐冇飲茶覺得兩樣都好正。試埋 $36.8 嘅特點「蜂巢芋角」同「即炸大良脆鮮奶」，勁邪惡呀。我哋仲試咗 $39.8 嘅精點「金珠小雞鹹水角」同「一口鮑魚燒賣」，真係幾精致，外觀同味道都好好。最後試碟 $68 嘅「椒鹽魷魚鬚」，炸到卜卜脆，爽呀。講到飲茶梗係唔少得杯茶，$10 位嘅茗茶我揀咗「壽眉」，正。食咁多嘢加埋一只係 $418，唔貴喎。之後先發現原來佢哋晚市必點有個「炭香窯燒雞套餐」，只係 $238 就包一隻窯燒雞加一款精選小菜，小菜仲有八款可以揀。窯燒雞係新鮮即做嘅，好吸引。而「脆皮燒鵝皇」、「叉燒」同小菜「冰鎮咕嚕肉」都好多人介紹，下次嚟食晚市一定試埋呢幾款。。。（地址：土瓜灣馬頭角道3