瀛鍋

營業中

休息中

今日又去咗九龍城一間叫「瀛鍋」叫餐廳食晚餐，餐廳位置寬敞，下層除咗有好多張卡位同圓枱之外，仲有一個兒童遊玩區俾小朋友玩，廚房有個透明水箱入面有好多生猛海鮮，上層有好多間包廂，擺滿中枱同大枱，可以俾多人嘅家庭聚會、朋友聚會或商業聚會，坐得好舒服。🍊鮮味卜卜蜆窩呢個卜卜蜆窩係一個好鮮甜嘅火鍋湯底，入面嘅蜆都幾大隻，蜆肉味道鮮甜，煲滾之後個湯底有好重嘅鮮甜味，配埋容易入味嘅蘿蔔、粟米同粉絲，未放入肉類，之前可以飲多幾碗鮮甜嘅湯底🍊酥炸蝦餅炸蝦餅係一個餐前小食，即叫即炸，食落去熱辣辣，蝦餅嘅口感結實但唔算爽口，配上甜酸醬一齊食好夾🍊雜錦餃子拼盤餃子拼盤有四款餃子，每款各兩粒，有魚皮餃、鮮蝦雲吞、韭菜餃同自家製水餃，值得一提嘅係自家製水餃係由餐廳師傅親自包裹，餃子嘅尺寸好大，非常足料，入面有齊一大隻鮮蝦、豬肉餡、雲耳等餡料，食落去每一啖都好結實，推介大家試吓🍊雜錦肉類拼盤肉類拼盤嘅擺盤好靚，上面有牛肉、豬肉同羊肉，肉類嘅份量適中，牛肉同豬肉嘅脂肪唔算太多，羊肉唔會太酥🍊百香果夏天特飲我哋嗌咗兩杯夏天特飲配合打邊爐，百香果特飲嘅味道唔算太甜，底下有好多白香果子，配上有氣梳打水，配上打邊爐一流📍九龍