火土燒肉

最chill的室內Glamping！唔使拎住咁多野去郊外bbq，唔使透火又唔使開營，平時放工搵餐廳chill chill 地放下空，仲有得食餐好。火土燒肉位於 尖沙咀K11，裝潢就好似大型營地，帳篷、露營櫈、露營燈的佈置玩味十足，連餐具都是露營用品，相當有儀式感。多人的話，仲可以坐入Campsite，靜靜地一班朋友扮camping 玩一晚。

至於食物，都非常唔錯。睇返資料，燒肉選用日本、美國貨，仲有唔少送酒小食。燒肉推介全牛特選拼盤
選用日本、澳洲、美國牛肉，入面已經有雪花牛小排、牛肋肉、牛胸腹、牛三筋、薄切香蔥牛舌，最特別係自家秘製燒汁，燒汁的味道非常好，令到牛的味道更多提鮮。 雪花牛小排最肥美，但最愛都係香蔥牛舌，非常爽脆。

塩蔥牛舌包
厚的牛舌包住一大埋蔥段，如果你鍾意蔥味，你應該會好鍾意

月見醬燒飯糰
所有料理加入蛋，我覺得都唔會差得去邊。外層香脆，蛋汁融入埋飯糰後變得更加好食，令人會嘩一聲。

ATUM 出品向來食物有保證，店員服務好，仲主動換網。walkin 未必有位，想試的話，記得要預早book 位呀！
火土燒肉地址：尖沙咀河內道18號K11 Art Mall3樓3