伊太屋 (已結業)

天后，一個旺中帶靜嘅小區🏡，喺呢度你唔會見到太多連鎖式餐廳，相反就有好多特色小店、充滿個性嘅餐廳林立。就好似今次阿叔👨🏾嚟嘅呢間日式西餐廳一樣，雖然佢哋面積唔大，但入邊裝修好有格調，一入去就即時會見到好大幅石磚牆同酒櫃，環境好有藝術氣息。室內設計別樹一格之外，呢度嘅食物同樣吸引🤤，多款頭盤、熱盤、主菜都以海鮮🦐🦞🦀為主，啱晒一班海鮮迷嚟幫襯。 🦞惹味海鮮袋 ($680)，單睇賣相就已經嘩嘩聲🤤，係海鮮迷絕對唔可以錯過嘅主食之一。原隻波士頓龍蝦🦞、鮮蝦🦐、帆立貝、魷魚🦑、蜆、香腸同粟米🌽，份量足夠2至3 個人食。☝🏽阿叔特別推介龍蝦同鮮蝦，兩款味道都非常鮮甜，而且肉質又夠爽口。😅唔介意再食好少少可另加$50，用龍蝦頭整埋龍蝦頭燴意大利飯🍚，以蝦頭作底，意大利飯鮮味十足，味道又creamy，非常惹味。🤤 🐮魚子醬海膽安格斯牛他他 ($148)，另一阿叔嘅個人推介👍🏽。於脆多士上加上安格斯牛他他，少少嘅魚子醬同海膽，一啖放入口食，牛肉嘅香濃遇上魚子醬嘅鮮，味道互相輝映😋。愛辣人士，更可沾埋碟上嘅辣粉，味道會更惹味！ 🍟脆炸黑松露芝士薯條 ($88)，遠遠已經聞到好香黑松露味，加上薯條即叫即炸