影片
更多
2024-11-27
332 瀏覽
今日嚟到airside想搵啲好嘢食，見到呢間拉麵店寫住係橫濱家系，而且環境幾舒服，啲位夠晒闊落，我哋就入去試吓。「家系」拉麵以關東為中心，一開始嘅開山祖師係1974年於橫濱杉田開業、1999年遷移至橫濱站嘅「吉村家」。佢嘅主要概念係將九州的豚骨湯頭同東京的醬油湯頭混合，所以「家系」嘅最大特徵便是豚骨醬油湯頭，又會使用偏粗的直麵條、海苔、叉燒肉及波菜等。當然「家系」拉麵慢慢開始有咗唔同嘅分支，町田商店都係其中之中一。横浜終極MAX拉麵 （粗麵、＋辣大蔥、＋蒜蓉）（$118＋$15＋$10)呢個終極Max嘅拉麵特別在佢嘅配料特別齊全，溏心蛋鵪、鶉蛋、菠菜、紫菜等等，而且份量會比一般嘅拉麵更加多，例如叉燒會有3大塊；紫菜亦大概有三至四塊左右。家系另外一個特色係可以調節味道嘅強度，所以小編亦都另外加咗辣大蔥同蒜蓉。先講佢嘅湯頭，由豬骨和雞骨熬製，質地厚實，味道醇厚，豬骨味濃郁，加上秘製醬油，為湯底增添鹹香嘅味道。成個湯底比我嘅感覺係好濃郁同濃厚，而且唔會過鹹，係幾有特色。另外加上咗蒜蓉同辣大蔥胃湯底增添咗一種辛辣感，尤其是辣大蔥喺其他舖頭比較少見。除咗佢可以幫湯底增加香辣嘅感覺，大蔥本身都係偏
今日嚟到airside想搵啲好嘢食，見到呢間拉麵店寫住係橫濱家系，而且環境幾舒服，啲位夠晒闊落，我哋就入去試吓。
「家系」拉麵以關東為中心，一開始嘅開山祖師係1974年於橫濱杉田開業、1999年遷移至橫濱站嘅「吉村家」。佢嘅主要概念係將九州的豚骨湯頭同東京的醬油湯頭混合，所以「家系」嘅最大特徵便是豚骨醬油湯頭，又會使用偏粗的直麵條、海苔、叉燒肉及波菜等。當然「家系」拉麵慢慢開始有咗唔同嘅分支，町田商店都係其中之中一。
横浜終極MAX拉麵 （粗麵、＋辣大蔥、＋蒜蓉）（$118＋$15＋$10)
呢個終極Max嘅拉麵特別在佢嘅配料特別齊全，溏心蛋鵪、鶉蛋、菠菜、紫菜等等，而且份量會比一般嘅拉麵更加多，例如叉燒會有3大塊；紫菜亦大概有三至四塊左右。家系另外一個特色係可以調節味道嘅強度，所以小編亦都另外加咗辣大蔥同蒜蓉。
先講佢嘅湯頭，由豬骨和雞骨熬製，質地厚實，味道醇厚，豬骨味濃郁，加上秘製醬油，為湯底增添鹹香嘅味道。成個湯底比我嘅感覺係好濃郁同濃厚，而且唔會過鹹，係幾有特色。另外加上咗蒜蓉同辣大蔥胃湯底增添咗一種辛辣感，尤其是辣大蔥喺其他舖頭比較少見。除咗佢可以幫湯底增加香辣嘅感覺，大蔥本身都係偏生嘅，所以自帶一種植物嘅辛辣感，食到嘅時候可以解膩，非常推薦。
至於其他配料，印象最深刻嘅係佢哋嘅叉燒肥瘦相間，瘦肉亦都煮得非常軟腍。咬落去嘅時候感受到油香同肉香。另外佢哋嘅菠菜亦係神來之筆，本身湯頭比較濃郁，加埋菠菜除咗提供口感，仲有一種清爽嘅感覺，鍾意菠菜嘅朋友不妨可以加多啲。比較失望嘅係鵪鶉蛋，可能呢樣食材本來冇乜發揮空間，所以火候同調味上都冇乜特別。
麵質方面，小編揀咗比較經典嘅自家製粗麵，據說用咗唔同嘅小麥同麵粉製成，食落去麥香唔算特別明顯，但口感彈牙，掛湯力亦唔錯。
味道：8.2/10
極品叉燒拉麵 （幼麵、＋辣豬肉、＋麻辣炸彈＋牛油）（$158＋$25＋$10＋$10)
如果好鍾意食呢度嘅叉燒就不妨可以叫呢一款拉麵定價相對會比較高，但叉燒嘅份量夠晒滿足，一共有五大塊，而且快快品質一樣高可以享受叉燒自由嘅感覺。
其他嘅嘢大致上同頭先嗰個差唔多，所以我哋就特別講吓佢其他嘅配料。小編不嬲都唔明點解要喺拉麵度加牛油，但試過同行朋友嘅湯之後，發覺湯底確實更加醇厚油潤，而且多咗種牛油嘅香味，呢個天氣食就啱晒。另外呢位朋友佢特別鍾意食辣，所以加咗辣豬肉同麻辣炸彈。辣豬肉係一個經調味嘅豬肉碎球，而麻辣炸彈係一篤辣醬嚟嘅。佢哋嘅作用都差唔多，可以令湯底更加惹味，有一種香辣嘅感覺。但相較之下同行朋友就鍾意辣豬肉比較多，因為麻辣炸彈嘅「麻」其實感覺唔大，相反辣豬肉除咗提供香辣嘅味道，豬肉亦都可以令個湯底更加香濃。所以小編一試同行朋友嘅湯底嘅時候，確實有驚艷到因為佢嘅湯底係比較惹味同埋濃郁嘅。
味道：8.3/10
章魚小丸子（$48）
見到呢樣小食，確實有啲意外。本身以為佢會好關東風格，點知嚟咗關西嘅食物。不過美食就無邊界嘅，即管試吓。小丸子一共有六粒，每粒都幾飽滿，而且熱辣辣上面嘅木魚絲仲係郁吓郁吓。食落口嘅味道就唔算特別驚艷，但都冇偷工減料，勝在夠熱辣辣。
P.S. 小編知道家系嘅另一特色係要食完麵再撈飯食，但小編同朋友真係食唔落了。
抵食：7.7/10
服務：7.7/10
環境：8.2/10
#hk #hongkong #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #啟德 #啟德美食 # airside #拉麵 #ramen #noodle #日本 #日本菜 #ラーメンインスタグラマー #ラーメン倶楽部 #ramen #ラーメン #ラーメン部 #豚骨 #醤油 #叉焼 #家系ラーメン #横浜家系ラーメン #家系 #横浜家系 #吉村家 #横浜 #豚骨醤油ベース #太いストレート麺 #町田商店
張貼
