影片
更多
2024-07-29
1099 瀏覽
要嘆高質下午茶，唔一定要去酒店既！上次嚟過呢間位於金鐘半山嘅西餐廳high tea，佢哋每季都會同好多唔同護膚品牌合作，以唔同食材為主題推出限定下午茶，包保每次嚟都有唔同驚喜。☺️ 🫖法式葡萄美肌下午茶 ($538/2位)餐廳今期至8月底就同法國護膚品牌 @caudalie 合作，以含豐富抗氧因子嘅葡萄為主題，推出以下呢款下午茶套餐。 🍴鹹點鮮蝦牛油果酥皮撻吞拿魚他他伴蕃茄清啫喱吉列廣島蠔伴明太子蛋黃醬西班牙火腿鵝肝慕絲多士 🍰甜點士多啤梨乳酪奶凍伴葡萄雜莓蛋黃醬紅桑子蛋白霜玫瑰撻鮮忌廉雜莓醬焦糖燉蛋士多啤梨提拉米蘇 當中，阿叔首選自己最鍾意食嘅吉列廣島蠔，炸蠔唔單止酥脆，配埋明太子蛋黃醬，更惹味香口。其次係吞拿魚他他加埋蕃茄啫喱，佢味道夠清新，作為開胃菜就最好不過喇！除咗以上有鹹又有甜嘅精緻美食外，當然唔少得好評如潮嘅英式鬆餅，阿叔最鍾意搽滿呢度自家製嘅玫瑰士多啤梨果醬一齊食，簡直一食難忘！同好多crossover嘅tea set一樣，食完都會免費贈送品牌護膚品俾你試吓！今次佢哋呢個下午茶可以話CP值非常高，皆因隨餐會送出價值 $940 嘅 Caudalíe葡萄籽天然保濕禮盒一份，入面
🫖法式葡萄美肌下午茶 ($538/2位)
餐廳今期至8月底就同法國護膚品牌 @caudalie 合作，以含豐富抗氧因子嘅葡萄為主題，推出以下呢款下午茶套餐。
🍴鹹點
鮮蝦牛油果酥皮撻
吞拿魚他他伴蕃茄清啫喱
吉列廣島蠔伴明太子蛋黃醬
西班牙火腿鵝肝慕絲多士
🍰甜點
士多啤梨乳酪奶凍伴葡萄雜莓蛋黃醬
紅桑子蛋白霜玫瑰撻
鮮忌廉雜莓醬焦糖燉蛋
士多啤梨提拉米蘇
當中，阿叔首選自己最鍾意食嘅吉列廣島蠔，炸蠔唔單止酥脆，配埋明太子蛋黃醬，更惹味香口。其次係吞拿魚他他加埋蕃茄啫喱，佢味道夠清新，作為開胃菜就最好不過喇！
除咗以上有鹹又有甜嘅精緻美食外，當然唔少得好評如潮嘅英式鬆餅，阿叔最鍾意搽滿呢度自家製嘅玫瑰士多啤梨果醬一齊食，簡直一食難忘！
同好多crossover嘅tea set一樣，食完都會免費贈送品牌護膚品俾你試吓！今次佢哋呢個下午茶可以話CP值非常高，皆因隨餐會送出價值 $940 嘅 Caudalíe葡萄籽天然保濕禮盒一份，入面包有葡萄籽水保濕啫喱面霜同埋葡萄籽雪芭保濕面霜，單係禮品就已經值回票價啦！😏😏😏
張貼
