火鍋本色 (已結業)

天氣涼涼哋，打邊爐就最啱啦！KsMeow考吓妳，打邊爐最緊要係咩？爐？湯底？都啱嘅！但最重要始終都係靚料啦！位於堅尼地城嘅《火鍋本色》火鍋配料十足！選單中，有一款好精緻嘅「牛牛三層架」里面有和牛、牛喉、金錢蹍、牛頸脊同埋牛柳粒，款款夠新鮮！「日本黑豚肉」則肥瘦相間，肉質仲好爽甜；新鮮嘅「蔬菜籃」、「三秒響鈴」等等... 質素都唔錯！自家製「菊花茶」、「薏米水」都好足料！感謝欣賞 KsMeow 小分享！