影片
更多
2023-07-13
919 瀏覽
疫情後嘅天后同銅鑼灣漸漸回復熱鬧，人潮同汽車川流不息，而置身喺兩地中間嘅大坑則自成一角，係鬧市中難得嘅寧靜小區。因為我早排心情鬱悶，所以就同男朋友一齊嚟呢度散下心，遠離日常煩囂，順便發掘下當地嘅美食。順興茶餐廳係當地嘅傳統餐廳，由上世紀六十年代中屹立至今，舊店係舊式鐵皮檔，後搬入附近地舖，分別為「順興茶檔」同「順興茶餐廳」。佢哋嘅滑蛋系列一直深受大眾好評，吸引唔少市民（包括我）特地前往一試。當日係星期六，下晝12:40左右地舖門外已經有條6-7個人形成嘅小人龍。不過茶餐廳嘅特色就係快捷，等15分鐘左右就有位，至於坐喺室外定室內就要睇運氣，我哋嗰日就好好彩被安排到有冷氣嘅位置，唔使大熱天時流住汗咁食嘢。🥢滑蛋豬排飯 💰59 (👅：8.0/10)呢度嘅招牌滑蛋豬排飯賣相常吸引，滑蛋蓋曬成個飯，上面鋪滿切成細件嘅炸豬排，表面泛山油潤嘅光澤，每一啖都可食到滑蛋、豬排同飯。滑蛋唔會過薄，生熟程度啱啱好，表面留有少量蛋汁，入囗滑嫩，蛋味香濃不腥，同蔥花、微甜嘅豉油，仲有飯粒分明嘅白飯，就係一個不敗嘅組合。要留意嘅係，由於豬排會比滑蛋浸腍咗，外皮自然唔會脆，好在佢本身炸皮夠薄，所以食落都唔會有好黏黏
順興茶餐廳係當地嘅傳統餐廳，由上世紀六十年代中屹立至今，舊店係舊式鐵皮檔，後搬入附近地舖，分別為「順興茶檔」同「順興茶餐廳」。佢哋嘅滑蛋系列一直深受大眾好評，吸引唔少市民（包括我）特地前往一試。
當日係星期六，下晝12:40左右地舖門外已經有條6-7個人形成嘅小人龍。不過茶餐廳嘅特色就係快捷，等15分鐘左右就有位，至於坐喺室外定室內就要睇運氣，我哋嗰日就好好彩被安排到有冷氣嘅位置，唔使大熱天時流住汗咁食嘢。
🥢滑蛋豬排飯 💰59 (👅：8.0/10)
呢度嘅招牌滑蛋豬排飯賣相常吸引，滑蛋蓋曬成個飯，上面鋪滿切成細件嘅炸豬排，表面泛山油潤嘅光澤，每一啖都可食到滑蛋、豬排同飯。
滑蛋唔會過薄，生熟程度啱啱好，表面留有少量蛋汁，入囗滑嫩，蛋味香濃不腥，同蔥花、微甜嘅豉油，仲有飯粒分明嘅白飯，就係一個不敗嘅組合。
要留意嘅係，由於豬排會比滑蛋浸腍咗，外皮自然唔會脆，好在佢本身炸皮夠薄，所以食落都唔會有好黏黏立立嘅囗感，不過食食下會略嫌油膩。唯獨豬排有厚度，肉質亦鬆軟唔嚡。
🥢滑蛋叉燒飯 💰59 (👅：7.5/10)
滑蛋叉燒飯色相相對前者就冇咁有光澤，但滑蛋同樣滑嫩香囗。叉燒部位偏瘦，加上超薄切嘅關係，食落稍乾，少咗啖啖厚肉嘅滿足感，不過亦會冇豬排咁油膩，至於味道就正正常常冇咩特別。
總括而言，嚟呢到主要都係享受下佢哋頗為出色嘅滑蛋，其他就中規中矩，都係用嚟做陪襯送下飯。到我哋食完離場（約13:30）嗰陣，餐廳出面依然大排長龍，可以令大家喺炎炎夏日仲肯耐心等候，都不愧為「大坑名物之一」。
題外話：原本我哋仲想試埋呢到嘅滑蛋菠蘿油，但老闆娘話當日12:00前已經賣曬，下次想食嘅話應該都要朝早嚟啦～
張貼
