影片
更多
2024-12-22
1056 瀏覽
餐廳以高底聞名，咁啱聖誕節仲遇到大大棵聖誕樹，環境氣氛同服務都好好，而且餐點價錢唔貴，$500就食齊前菜、主菜、甜品同飲品，喺靚靚環境下慢慢坐，係慶祝聖誕嘅好地方。🌖川辣西瓜沙律 $108新奇配搭梗係要試下！川辣味道源自於醬汁，醬汁淋喺西瓜表面，味道唔會太刺激，而且西瓜多汁爽甜，令辣味更加溫和更易入口；其中兩件西瓜由爽脆青瓜包住，多左一份清新嘅感覺之餘，口感上亦更具層次。🌖原隻烤豬手 $218豬手好大隻，絶對足夠二人食用！上碟時已經切咗件，方便食用～豬手表面烤到脆卜卜，油份唔會太多，反而骨膠原嘅感覺更為強烈。豬手以外仲有西蘭花🥦、甘筍、車厘茄、粟米等蔬菜，配菜可選薯條、薯蓉、薯仔沙律、忌廉焗薯等，一碟已經好飽肚。🌖特色木化石朱古力餅 $78蛋糕嘅朱古力味幾濃郁，但又唔會太甜太膩。蛋糕面頭嘅樹皮係朱古力，造型細緻，表面有條條木紋，口感特別，入口唔會即刻融化，反而真係有種樹皮嘅口感，係份幾特別甜品。🌖Orange Tonic Espresso $55🌖Strawberry Lemonade $55飲品味道味道唔假，仲飲到Strawberry Lemonade有粒粒士多啤梨籽； Orange
餐廳以高底聞名，咁啱聖誕節仲遇到大大棵聖誕樹，環境氣氛同服務都好好，而且餐點價錢唔貴，$500就食齊前菜、主菜、甜品同飲品，喺靚靚環境下慢慢坐，係慶祝聖誕嘅好地方。
🌖川辣西瓜沙律 $108
新奇配搭梗係要試下！川辣味道源自於醬汁，醬汁淋喺西瓜表面，味道唔會太刺激，而且西瓜多汁爽甜，令辣味更加溫和更易入口；其中兩件西瓜由爽脆青瓜包住，多左一份清新嘅感覺之餘，口感上亦更具層次。
🌖原隻烤豬手 $218
豬手好大隻，絶對足夠二人食用！上碟時已經切咗件，方便食用～豬手表面烤到脆卜卜，油份唔會太多，反而骨膠原嘅感覺更為強烈。豬手以外仲有西蘭花🥦、甘筍、車厘茄、粟米等蔬菜，配菜可選薯條、薯蓉、薯仔沙律、忌廉焗薯等，一碟已經好飽肚。
🌖特色木化石朱古力餅 $78
蛋糕嘅朱古力味幾濃郁，但又唔會太甜太膩。蛋糕面頭嘅樹皮係朱古力，造型細緻，表面有條條木紋，口感特別，入口唔會即刻融化，反而真係有種樹皮嘅口感，係份幾特別甜品。
🌖Orange Tonic Espresso $55
🌖Strawberry Lemonade $55
飲品味道味道唔假，仲飲到Strawberry Lemonade有粒粒士多啤梨籽； Orange Tonic Expresso分層明顯啱晒打卡，味道方面都有驚喜，咖啡唔會太苦，同淡淡橙味非常夾，溝梳打水感覺清爽，同平時一般加奶嘅咖啡感覺非常不同。
張貼
