何車車仔麵 (界限街) (已結業)

係太子想搵啲易食嘅嘢，諗起粉麵類，一搵見到呢間好似唔錯就去啦。鋪好細，座位得7個，滿座店員要企係出邊。本來係想食麵，但見到有下午茶就叫下午茶。（懶得諗，又可以試其他）佢有4款下午茶，好耐無食過牛肉飯，仲有關東煮，呢個組合好吸引，$40。牛肉飯上枱個刻我嚇親，比我想像中大好多，比吉x家還要多（我仲停留係好耐之前）。牛肉唔錯，小肥，洋蔥唔會太熟，爽口。係個飯濕小小，但係可以接受關東煮勁多，蘿蔔夠哂淋，其他配料都唔錯，湯算清。鮮蝦雲吞，$15三粒，好脆，偏細料比例多，味道可以。我幾欣賞佢播嘅歌，純音樂卻有種唔係香港嘅感覺，不過我又想像唔到邊度。