影片
更多
2024-10-01
127 瀏覽
久唔久都會喺IG 碌到$68 有得食A5和牛同夢王蛋嘅Post，搞到小編都心郁郁想試 @cheukminpo 。不過後來發現佢有兩間舖，新蒲崗嗰間係食傳統粉麵多，太子先有夢王蛋系列，大家記得按返自己喜好去唔同舖頭喇。夢王和牛丼 $68呢個丼飯明顯係賣高質原材料，鹿兒島直送嘅A5和牛、來自日本神戶兵庫縣，2021年獲得日本人年度公投刺身蛋拌飯第一名嘅夢王，兩個夾埋簡直係夢幻組合。A5和牛近七成熟，保留少少生度，呈微微粉紅色。夢王蛋黃飽滿，鮮橙紅色非常吸引。正因為原材料咁高質，所以烹調方法都比較簡單，和牛冇乜調味咁制，夢王亦可生食（或者溫泉蛋、半熟蛋等等），所以佢會俾兜秘製醬油你自行調味。入口有醬油鹹香，然後有夢王濃郁嘅蛋味，最後會食到和牛嘅油香。當然，咁嘅價錢，佢份量唔算好多，比想像中細碗，牛肉大概四至五片，但呢個價真係冇乜投訴。 唯獨小編覺得如果佢可以用返珍珠米嘅話，會更加有日本嘅風味。味道：8.2/10鮑汁冬菇花膠鍋 $68湯底幾濃郁，鍾意食辣嘅觀眾可以加少少麻辣油，更香更惹味。花膠份量都好足，有四塊，對得住呢個價錢，又夠爽口。而冬菇就大大片，成塊冬菇扒咁，又夠入味，鍾意食冬菇一定好
久唔久都會喺IG 碌到$68 有得食A5和牛同夢王蛋嘅Post，搞到小編都心郁郁想試 @cheukminpo 。不過後來發現佢有兩間舖，新蒲崗嗰間係食傳統粉麵多，太子先有夢王蛋系列，大家記得按返自己喜好去唔同舖頭喇。
夢王和牛丼 $68
呢個丼飯明顯係賣高質原材料，鹿兒島直送嘅A5和牛、來自日本神戶兵庫縣，2021年獲得日本人年度公投刺身蛋拌飯第一名嘅夢王，兩個夾埋簡直係夢幻組合。A5和牛近七成熟，保留少少生度，呈微微粉紅色。夢王蛋黃飽滿，鮮橙紅色非常吸引。正因為原材料咁高質，所以烹調方法都比較簡單，和牛冇乜調味咁制，夢王亦可生食（或者溫泉蛋、半熟蛋等等），所以佢會俾兜秘製醬油你自行調味。入口有醬油鹹香，然後有夢王濃郁嘅蛋味，最後會食到和牛嘅油香。當然，咁嘅價錢，佢份量唔算好多，比想像中細碗，牛肉大概四至五片，但呢個價真係冇乜投訴。 唯獨小編覺得如果佢可以用返珍珠米嘅話，會更加有日本嘅風味。
味道：8.2/10
鮑汁冬菇花膠鍋 $68
湯底幾濃郁，鍾意食辣嘅觀眾可以加少少麻辣油，更香更惹味。花膠份量都好足，有四塊，對得住呢個價錢，又夠爽口。而冬菇就大大片，成塊冬菇扒咁，又夠入味，鍾意食冬菇一定好滿足。
味道：8/10
蜆蚧鯪魚球＋脆炸鮮奶卷 （各三件）$42
可能因為蜆蚧唔係個個都接受到，所以蜆蚧鯪魚球都越來越少見。 當小編喺餐牌見到嘅時候，就心諗一定要嗌。蜆蚧係一種嶺南嘅獨特醬料，有非常獨特嘅鹹香味。呢間做到佢應該要有嘅鹹香，而且亦都帶着一種發酵嘅味道。佢嘅鯪魚球的外觀金黃酥脆，每一啖咬落去，可以感受到魚肉嘅味道同彈牙。特製嘅醬汁更係為整道菜增添咗風味。 小編推薦可以加少少辣油，更加惹味。
炸鮮奶外表金黃酥脆，內裡係細膩滑順的鮮奶內餡。每一口都像是品嚐到濃郁的奶香，搭配上煉奶， 雙重奶香，非常滿足。
味道：8.2/10
凍奶茶（＋$10）
茶底嘅味道比較澀，茶香唔算好突出，味道一般般。
味道：7.3/10
凍清心火（＋$10）
呢度有自家製嘅涼茶，每日都會有唔同嘅款式提供，今日係清心火。味道清甜解渴，唔會太甜膩，清涼解毒，飲得出錢足料。
味道：7.8/10
環境：7.8/10
服務：7.8/10
抵食：8.2/10
竹面譜 (太子)
太子荔枝角道68號地舖
#香港 #hk #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #旺角美食 #旺角 #太子 #太子美食 #日式料理 #和牛 #夢王 #日本 #花膠 #麵 #小食 #mokkok #princeedward #japan #japanese #wagyu #noodle #eggs
張貼
