影片
更多
2022-06-19
264 瀏覽
慶祝我哋拍拖8周年，喺Openrice度睇完一大輪，決定去食呢間中菜廚師發辦。其實我一直覺得好多高質中菜好精緻，唔止係擺盤，而係煮嘅時候已經係功夫菜，廚師發辦又好，N道菜又好，中菜絕對夠格。今次呢餐亦都冇令我失望，9道菜，仲做緊買一送一限時優惠（$1088），非常驚喜。第一道︰頭盤，藤椒墨魚、象拔蚌、梅酒赤貝啫喱（5/5分）一上菜就「仙氣飄飄」，現場效果好靚，但影相有難度。海鮮口感Q彈，醬料配搭適中，幾開胃，令人期待下一道菜，唯一係啫喱食落比較似甜品，覺得有啲格格不入。第二道︰龍蝦蟹油炒蛋（5/5分）用料足，龍蝦鮮甜彈牙，金黃嘅蛋口感濃稠有蟹油香，加上面頭嘅脆脆，入口層次更豐富。第三道︰酸菜松茸鯛魚湯包（5/5分）酸菜湯胡椒味辣得嚟唔會太刺激，松茸據介紹係煎過，以增加湯水香味，但食落作用不大，但整體配搭都係好嘅，個湯包餡料充足，剁碎咗嘅各式餡料，每一啖都好滿足。第四道（原菜單）︰A5仙台牛（5/5分）老公二話不說就摷亂咗，其實本身擺盤係靚啲嘅。由於我唔食牛，呢碟我冇食度，據介紹係紅酒烹煮，老公表示好食。點好食法呢，佢只係重複好食……第四道（轉換後的菜品）︰黑毛豬叉燒（5/5分）同餐廳講
其實我一直覺得好多高質中菜好精緻，唔止係擺盤，而係煮嘅時候已經係功夫菜，廚師發辦又好，N道菜又好，中菜絕對夠格。
今次呢餐亦都冇令我失望，9道菜，仲做緊買一送一限時優惠（$1088），非常驚喜。
第一道︰頭盤，藤椒墨魚、象拔蚌、梅酒赤貝啫喱（5/5分）
墨魚、象拔蚌、梅酒赤貝啫喱
28 瀏覽
0 讚好
0 留言
海鮮口感Q彈，醬料配搭適中，幾開胃，令人期待下一道菜，唯一係啫喱食落比較似甜品，覺得有啲格格不入。
第二道︰龍蝦蟹油炒蛋（5/5分）
龍蝦蟹油炒蛋
43 瀏覽
0 讚好
0 留言
用料足，龍蝦鮮甜彈牙，金黃嘅蛋口感濃稠有蟹油香，加上面頭嘅脆脆，入口層次更豐富。
第三道︰酸菜松茸鯛魚湯包（5/5分）
酸菜松茸鯛魚灌湯包
8 瀏覽
0 讚好
0 留言
酸菜湯胡椒味辣得嚟唔會太刺激，松茸據介紹係煎過，以增加湯水香味，但食落作用不大，但整體配搭都係好嘅，個湯包餡料充足，剁碎咗嘅各式餡料，每一啖都好滿足。
第四道（原菜單）︰A5仙台牛（5/5分）
A5仙台牛
13 瀏覽
0 讚好
0 留言
老公二話不說就摷亂咗，其實本身擺盤係靚啲嘅。由於我唔食牛，呢碟我冇食度，據介紹係紅酒烹煮，老公表示好食。點好食法呢，佢只係重複好食……
第四道（轉換後的菜品）︰黑毛豬叉燒（5/5分）
黑毛豬叉燒
8 瀏覽
0 讚好
0 留言
同餐廳講咗我唔食牛，佢哋好貼心地為我轉咗做豬。呢個叉燒厚而不柴，肥肉部分入口即化，肥而不膩，我呢啲平時拒絕肥肉嘅人都肯食。左邊黃色嘅醬係芥末醬，似平時燒味配搭，右邊係柚子芥辣醬，入口清新，配肉更加平衡，我更為鍾意，但偏好傳統口味嘅老公認為芥末醬好食啲。
第五道︰鵪鶉鬆.琵琶烤豬（5/5分）
鵪鶉鬆.琵琶烤豬
6 瀏覽
0 讚好
0 留言
第六道︰金不換雜菇龍躉扣（5/5分）
金不換雜菇龍躉扣
11 瀏覽
0 讚好
0 留言
蒸籠底下個座有個發然包即時蒸煮加熱，令金不換嘅味道可以逼出嚟，加埋呢啲炒過嘅雜菇嘅香味，聞落已非常吸引。龍躉扣亦即係龍躉胃，非常彈牙有咬口，但一啲都唔韌，味道亦炆煮得好好，係一道濃味嘅菜。
第七道︰大啡菇松露（4/5分）
松露大啡菇
8 瀏覽
0 讚好
0 留言
食到嚟呢度已有啲飽，相比之下大啡菇松露好平常，其實都好食嘅，熱辣辣加上雜菌嘅香味，所以即使平常，都係會食晒。食到嚟呢道菜，發現餐廳好鍾意煮菇，我老公都話覺得似菇宴。
第八道︰鮑魚冷烏冬（5/5分）
鮑魚冷烏冬
8 瀏覽
0 讚好
0 留言
其實我唔鍾意漬蓮藕，喺呢道菜入面都覺得有少少多餘。飽魚三片咁堆疊，面頭嘅鹹菜有少少搶去成碟嘅味，令到味道較淡嘅鰹魚湯汁失色，對比下會覺得烏冬味道較淡。不過如果自己食嘅時候做好分配，其實都仲係會覺得幾好味嘅，同埋鮑魚都煮得啱啱好，而稻庭烏冬一向係質素保證。
第九道︰燕窩哈密瓜奶凍（3/5分）
燕窩哈密瓜奶凍
18 瀏覽
0 讚好
0 留言
整體嚟講，每道菜都好食嘅，但我覺得餐廳可以再諗下菜品之間嘅味道配搭，因為頭盤之後、烏冬之前咁多道菜都係濃味，食食下會有啲味覺疲勞，最後個奶凍亦感覺好厚，唔係一個完美嘅句號吖。
不過喺日式廚師發辦大行其道，而好多其實都冇乜特別下，我強烈推薦大家試下獅房菜呢個中式廚師發辦，欣賞下用心製作嘅美食。
餐廳環境都幾好，空間感十足，枱唔算多，要食最好都係Book位啦。
吧枱，有時煮嘢會有少少油煙味。
靠窗位置都唔錯。成個餐食咗2個鐘後餐廳開始少人，我先好意思拎手機影環境。
望門口嘅位。
餐牌供大家參考。
張貼
