影片
更多
2021-08-31
27 瀏覽
餐廳同茶飲店合租一個鋪位呢個做法好似愈嚟愈普遍，我相信主因係可以慳返好多租金成本，又可以相互吸客，相得益彰～今次推介係平民越式餐廳連住一間茶飲店，食越南河粉嘅時候都可以飲到好飲嘅手搖，係開心嘅😆餐廳越南特色菜嘅選擇都真係好多，首先就食個招牌火車頭，明明一人份量大碗到以為佢比咗兩人份量我，生牛肉，牛腩，牛丸，牛筋，牛柏葉應有盡，餸都比得夠多，最想讚係生牛肉上菜時真係生，紅得好粉嫰😍有時有啲地方食生牛肉一嚟已經半生熟，實唔好食～另一款試嘅係蟹頭膏蕃茄湯檬（轉咗金邊粉），特別之處係個蕃茄湯可能係我食過最濃嘅，蟹頭膏同成件事都好夾👍🏻因為連住間「越茶」，所以飲品選擇好多，港式越式台式都有，今次叫左芝士奶蓋烏龍茶覺得十分高質，最主要係個芝士奶蓋好掂，做到好濃郁芝士咸香，算係我飲過嘅芝士奶蓋入面最好飲嘅Tier，推介！埋單$200有找👍🏻
餐廳同茶飲店合租一個鋪位呢個做法好似愈嚟愈普遍，我相信主因係可以慳返好多租金成本，又可以相互吸客，相得益彰～今次推介係平民越式餐廳連住一間茶飲店，食越南河粉嘅時候都可以飲到好飲嘅手搖，係開心嘅😆
餐廳越南特色菜嘅選擇都真係好多，首先就食個招牌火車頭，明明一人份量大碗到以為佢比咗兩人份量我，生牛肉，牛腩，牛丸，牛筋，牛柏葉應有盡，餸都比得夠多，最想讚係生牛肉上菜時真係生，紅得好粉嫰😍有時有啲地方食生牛肉一嚟已經半生熟，實唔好食～另一款試嘅係蟹頭膏蕃茄湯檬（轉咗金邊粉），特別之處係個蕃茄湯可能係我食過最濃嘅，蟹頭膏同成件事都好夾👍🏻
因為連住間「越茶」，所以飲品選擇好多，港式越式台式都有，今次叫左芝士奶蓋烏龍茶覺得十分高質，最主要係個芝士奶蓋好掂，做到好濃郁芝士咸香，算係我飲過嘅芝士奶蓋入面最好飲嘅Tier，推介！埋單$200有找👍🏻
張貼
