影片
更多
2023-11-22
13 瀏覽
今年同朋友去咗呢間日本餐廳慶生，主要係見佢有買一送一又有和服，成個體驗都幾有趣所以都同大家分享下😆我地簡咗$980/位嘅悅之櫻宴，一共有6 Round下面再同大家詳細講講。———————————————🌟汁煮日本和牛面頰呢個真心好好食，份量有兩件，咬落好腍好入味再配有少少菜，係成個餐嘅重頭戲。.🌟串燒燒物五品串燒水準其實幾好，基本上都係唔會有焦邊亦都可以緊鎖肉汁，特別係牛肉串真係重牛又多汁。醬汁方面都幾有趣，有辣醬加柚子，同埋岩鹽可以選擇。不過五款入面得3款肉，包括雞腎、雞軟骨同牛，淨低兩款就係茄子同車厘茄。.🌟壽司四點有4款魚，不過佢冇介紹我都唔係好肯定，但應該係紅鯛魚、油甘魚，味道唔錯但真係太多筋。.🌟前菜四點盛前菜係最失望，16品入面計4品，但真係細份到有少少懷疑人生😂大家睇相就知有咩.🌟冷烏冬煙韌度啱啱好而且味道都唔錯，但都係份量可以多返少少會更好。.🌟甜品甜品係出色嘅，抹茶雪糕味道濃又郁，另外生日送嘅伯爵茶蛋糕味道好香又唔會太甜，中間仲好鬆軟。.🔸整體評價🔸老實講整體食物水準都唔錯，特別係串燒都整得好好，但份量上實在係唔太夠導致食得唔飽，不過除返開一位加埋一就$539，有得即
今年同朋友去咗呢間日本餐廳慶生，主要係見佢有買一送一又有和服，成個體驗都幾有趣所以都同大家分享下😆我地簡咗$980/位嘅悅之櫻宴，一共有6 Round下面再同大家詳細講講。
———————————————
🌟汁煮日本和牛面頰
呢個真心好好食，份量有兩件，咬落好腍好入味再配有少少菜，係成個餐嘅重頭戲。
.
🌟串燒燒物五品
串燒水準其實幾好，基本上都係唔會有焦邊亦都可以緊鎖肉汁，特別係牛肉串真係重牛又多汁。醬汁方面都幾有趣，有辣醬加柚子，同埋岩鹽可以選擇。不過五款入面得3款肉，包括雞腎、雞軟骨同牛，淨低兩款就係茄子同車厘茄。
.
🌟壽司四點
有4款魚，不過佢冇介紹我都唔係好肯定，但應該係紅鯛魚、油甘魚，味道唔錯但真係太多筋。
.
🌟前菜四點盛
前菜係最失望，16品入面計4品，但真係細份到有少少懷疑人生😂大家睇相就知有咩
.
🌟冷烏冬
煙韌度啱啱好而且味道都唔錯，但都係份量可以多返少少會更好。
.
🌟甜品
甜品係出色嘅，抹茶雪糕味道濃又郁，另外生日送嘅伯爵茶蛋糕味道好香又唔會太甜，中間仲好鬆軟。
.
🔸整體評價🔸
老實講整體食物水準都唔錯，特別係串燒都整得好好，但份量上實在係唔太夠導致食得唔飽，不過除返開一位加埋一就$539，有得即場試和服大家都可以衡量下個性價比，如果鍾意打卡又唔係太大食嘅女仔其實都幾適合！提提大家如果想打卡最好自己去之前就set好個頭先，影出嚟就會更好睇❤️
張貼
