和味

營業中

休息中

行完街喺尖沙咀搵嘢食，經過呢間和味，被門口嘅餐牌所吸引，有港式同越式小菜，於是抱着試試嘅心情入去。我哋揀咗二人小菜套餐裏面嘅咕嚕肉、蝦仁炒蛋，以及燒鵝髀下莊，套餐包老火湯、白飯，以及兩杯飲品。咕嚕肉酸酸甜甜，很開胃，瘦肉和肥肉嘅比例亦剛好，爽脆又不會太油膩。蝦仁炒蛋，原隻蝦仁去炒，大隻兼彈牙，而炒蛋的口感好嫩滑。燒鵝係呢度嘅推介，每日自己燒，數量有限。我哋喊咗燒鵝髀下莊，較為大隻且肉質結實，燒鵝皮脆卜卜，吃落非常之甘香，店員果然好介紹。$298可以食到兩道小菜、燒鵝髀，呢個二人小菜套餐真係好抵食。除咗小菜之外，見到餐牌仲有越南食品，下次會再幫襯。