樂酒場 がくさかば

今日去咗尖沙咀一間叫「樂酒場 がくさかば」居酒屋食晚餐，餐廳嘅環境好有上一個年代嘅日本風味，用咗好多日文嘅霓虹燈做裝飾，而且貼滿舊式嘅日本海報，食客好似置身喺日本嘅居酒屋一樣。餐廳除咗有普通座位，仲有幾張需要除鞋先可以入座嘅榻榻米座位，幾有風味。最特別嘅係服務鈴用咗尖叫雞，一把清澈嘅雞啼聲可以呼喚到餐廳職員。🍊三文魚層層疊職員會用火槍即場燒溶芝士同炙燒三文魚肉，令到三文魚有輕微嘅燒焦感，而溶化嘅芝士配合三文魚籽，為底層嘅青瓜卷帶嚟濃郁嘅味道🍊牛油果山葵漬極度推介呢一個前菜，用咗半隻新鮮嘅牛油果，詢問嘅口感配埋柚子醋、山葵同紫菜，味道又酸又辣，非常開胃，而且用咗牛油果形狀嘅碟上菜，造型非常可愛🍊迷の刀五雕刺身盛合刺身有吞拿魚腩、三文魚、甜蝦、油甘魚同帶子，食材新鮮，味道鮮甜，份量足夠🍊蒜燒厚切牛舌芯牛舌心肉質爽口，有厚度但唔會燒得太韌，蒜頭味唔濃，不過鹽味已經夠鹹🍊鹽燒雞翼雞翼燒得啱啱好，肉質非常嫩滑，雞肉仍然保持肉汁，雞皮香脆🍊關東煮拼盤關東煮嘅湯頭味道清甜，拼盤材料豐富，有獅子狗、日本大根蘿蔔、豆卜、秋葵、雞蛋同布包豆腐，任君選擇🍊蟹味噌甲羅燒配薄餅甲羅燒嘅蟹膏同蟹籽味道濃郁，單獨食