和牛燒肉‧純

今日去咗尖沙咀一間叫「和牛燒肉純」嘅日式燒肉肉料理餐廳食晚餐，呢間餐廳係日本最大型嘅食品供應商JA全農集團旗下嘅餐廳，可以直接喺日本全國多個縣市進口各類和牛，例如飛驒牛、佐賀牛、山形牛同黑毛和牛等等，肉類食材嘅來源非常可靠，品質有保證。餐廳嘅空間好大，有多個獨立嘅包廂，食客嘅私隱度好高，坐得好舒適。呢度除咗可以食燒肉，仲可以食壽喜燒，有唔同嘅套餐可以選擇。最近餐廳做緊個周年慶活動優惠，只需用半價就食到原價$1680嘅A5特選和牛肉眼同燒肉拼盤，真係超級抵食！🍊A5特選和牛肉眼同燒肉拼盤成個拼盤都係A5和牛，有齊特選和牛肉眼、和牛上牛排肉、和牛肩眼、和牛牛排肉同牛舌。特選和牛肉眼嘅油花好似雪花咁靚，油脂分布平均，食落去入口即溶，帶有滿滿嘅油香；牛舌屬於薄切，輕輕一燒就已經燒得好香，口感爽口；和牛牛排肉嘅口感較為結實，咬落去有牛肉嘅質感；和牛上牛排肉嘅油脂會較牛排肉多，食落去口感嫩滑有油香：和牛肩眼嘅牛肉味道最為濃烈。呢個拼盤只有肉類，想燒蔬菜或配白飯嘅話要額外加配。🍊豆腐沙律豆腐、沙律菜、蕃茄仔、芝麻醬嘅配搭好開胃，食完呢個前菜再食濃味嘅燒肉🍊飲品 我哋嗌咗日本生啤同highball，配