影片
更多
2023-05-04
245 瀏覽
【屯門區】【鮮芋仙】一直都想搵好食嘅台式甜品，例如芋圓呀，珍珠呀嗰啲，但因為疫情關係，其實嘆返個甜品嘅機會係少咗，始終都係慣咗食完晚飯飽飽哋先叼返份嚟滿足「第二個胃」。而家六點就堂食收皮，唔通次次都買外賣咩，影響觀感。引用我之前寫完之後 Miss Ding 好中意嘅一句「大家見我出得 post 就知最後我都係去咗食」，係呀我係去咗食，而且仲喺有人排隊嘅情況之下，喺下晝嘅時間照排！排咗十五分鐘左右都唔算耐，同朋友吹下水就好快過。我叫咗個「芋圓6號」，我真係第一次食，都唔知食乜好，就叫個嚟試吓。有得揀凍或者熱，我唔中意冰又唔中意紅豆湯，笑咗，最後都係後者啦。碗嘢仲有粉條、粉粿、珍珠，成碗嘢幾特別，幾好食，$45 係唔差嘅價錢。朋友好中意食台式嘅冰豆花，話佢夠甜夠正，所以佢就叫個「冰豆花4號」，有芋頭同紅豆，$42 都唔貴，所以佢加 $8 要埋「地瓜」加餸都唔覺得乸脷。味道上，我都有偷一啖嚟食，我覺得真係唔錯，幾香豆味又夠甜。二人合力嘅話係可以做到 1+1 大過 2 嘅效果，好似林鄭月娥話齋：「Killing two stones with one bird」，所以叫多個「Q麻糬布丁拼盤」一
引用我之前寫完之後 Miss Ding 好中意嘅一句「大家見我出得 post 就知最後我都係去咗食」，係呀我係去咗食，而且仲喺有人排隊嘅情況之下，喺下晝嘅時間照排！排咗十五分鐘左右都唔算耐，同朋友吹下水就好快過。
我叫咗個「芋圓6號」，我真係第一次食，都唔知食乜好，就叫個嚟試吓。有得揀凍或者熱，我唔中意冰又唔中意紅豆湯，笑咗，最後都係後者啦。碗嘢仲有粉條、粉粿、珍珠，成碗嘢幾特別，幾好食，$45 係唔差嘅價錢。
朋友好中意食台式嘅冰豆花，話佢夠甜夠正，所以佢就叫個「冰豆花4號」，有芋頭同紅豆，$42 都唔貴，所以佢加 $8 要埋「地瓜」加餸都唔覺得乸脷。味道上，我都有偷一啖嚟食，我覺得真係唔錯，幾香豆味又夠甜。
二人合力嘅話係可以做到 1+1 大過 2 嘅效果，好似林鄭月娥話齋：「Killing two stones with one bird」，所以叫多個「Q麻糬布丁拼盤」一齊食。佢有「Q麻糬」同「珍珠焦糖布丁」，布丁可以揀其他味不過嗰吓想食呢個。
呢份嘢味道都正正常常，$38 嘅價錢不過不失。兩條友食夾埋 $133 又好似重皮少少咁，不過諗諗吓其實又差唔多。呢間仲有啲分店，有機會的話我都想去其他分店食吓佢嘅其他嘢，再同大家分享，咁先係獨樂樂不如眾樂樂。。。
（地址：屯門屯順街1號屯門市廣場1期1樓Kiosk C）
#1amfoodie #foodie #hkfoodie #thatfoodiething #hkfood #food #1ambackup #1am0648 #foodlover #delicious #foodies #tasty #globaleats #dessert #followforfollowback #love #eat #1am屯門區 #屯門 #鮮芋仙 #meetfresh #甜品店 #屯門市廣場 #芋圓6號 #冰豆花4號 #Q麻糬布丁拼盤 #Q麻糬 #珍珠焦糖布丁 #芋圓 #豆花
12 瀏覽
0 讚好
0 留言
張貼
