影片
更多
2024-05-01
48 瀏覽
自助餐同日式放題就試得多，大排檔小菜任食你又試過未？今次嚟到位於佐敦嘅官涌市政大廈，準備大擦一餐！第一次黎食所以叫左個最平嘅任食黎小試牛刀，$288 可以任飲任食90分鐘，菜式包豬、牛、雞、小食、粥粉麵飯、小炒、砂鍋煲同各款飲品，想食海鮮嘅可以叫$488 嘅任食。所有食物嘅份量都係例牌，唔會因為人數而改變份量，所以如果想試得多款就要同多啲朋友一齊黎。今次我只係同老公兩個人黎食，但我地戰鬥力都唔野少，兩個人食左十道菜，不過份量真係好係好大，有時真係食到生無可戀，提提大家記得係限時內要食完所叫嘅食物，否則會被罰款架，所以最緊要係食得曬，先好嗌！-🌖香辣新鮮魚皮 $68魚皮爽脆，厚薄適中，香辣程度屬BB級，令人一啖接一啖。🌗麻辣嗦螺 $98一窩入面有非常多隻，每隻都細細隻好入味，不過進食方法稍為麻煩，唔太適合任食時order。🌖特色金沙雞翼 $108一碟10隻雞翼，隻隻都大隻肥美，而且沾滿金沙鹹蛋黃醬，鹹中有大少少酸味，似係特意為金沙雞翼消除膩感。🌖酸薑皮蛋 $48皮蛋有雪花紋，酸薑份量夠多。🌗潮爆黃金炸魚皮 $98魚皮有薄有厚，每件都沾有鹹蛋黃，而且份量超爆多！食到生無可戀😂，兩個人嚟真係
第一次黎食所以叫左個最平嘅任食黎小試牛刀，$288 可以任飲任食90分鐘，菜式包豬、牛、雞、小食、粥粉麵飯、小炒、砂鍋煲同各款飲品，想食海鮮嘅可以叫$488 嘅任食。
所有食物嘅份量都係例牌，唔會因為人數而改變份量，所以如果想試得多款就要同多啲朋友一齊黎。
今次我只係同老公兩個人黎食，但我地戰鬥力都唔野少，兩個人食左十道菜，不過份量真係好係好大，有時真係食到生無可戀，提提大家記得係限時內要食完所叫嘅食物，否則會被罰款架，所以最緊要係食得曬，先好嗌！
-
🌖香辣新鮮魚皮 $68
魚皮爽脆，厚薄適中，香辣程度屬BB級，令人一啖接一啖。
🌗麻辣嗦螺 $98
一窩入面有非常多隻，每隻都細細隻好入味，不過進食方法稍為麻煩，唔太適合任食時order。
🌖特色金沙雞翼 $108
一碟10隻雞翼，隻隻都大隻肥美，而且沾滿金沙鹹蛋黃醬，鹹中有大少少酸味，似係特意為金沙雞翼消除膩感。
🌖酸薑皮蛋 $48
皮蛋有雪花紋，酸薑份量夠多。
🌗潮爆黃金炸魚皮 $98
魚皮有薄有厚，每件都沾有鹹蛋黃，而且份量超爆多！食到生無可戀😂，兩個人嚟真係唔好挑戰佢！
🌗椒鹽雞軟骨 $98
送酒一流，份量勁多，雞軟骨炸得唔錯唔酒膩，不過酸味較重🤔。
🌖可愛BB鴿一隻 $52
BB鴿皮脆肉嫩又多汁，係誠意之作，encore之選。
🌗海鹽香煎和牛粒（小）$118
牛肉都幾大粒，入口充滿油脂感，但係呢個價錢當然唔會expect 佢係無渣啦～
🌗菠蘿拔絲咕嚕肉 $108
又係勁大碟好大舊肉，調味方面偏酸，前段食就夠開胃，後段食就唔怕膩，幾時食都適合。
🌗欖菜肉鬆四季豆 $118
欖菜唔會太鹹，不過四季豆會有渣，係得街食四季豆都唔會預佢會咁好心機搣走兩邊嘅粗纖維，所以算係中規中矩不過不失啦～
-
#soso_foodie2024 #soso_hk2024 #soso_200至400元 #soso_千奇百趣 #大排檔 #daipaidong
想睇同區食店介紹？可以參考👇🏻👇🏻
#soso_九龍 #soso_佐敦
想睇同類食物介紹？可以參考👇🏻👇🏻
#soso_港式 #soso_中式
張貼
