影片
更多
2019-06-30
109 瀏覽
一窩瘋嘅海鮮粥底火鍋 $188一位，我覺得好足料，呢個價錢食到靚海鮮，都OK嘅，重質不重量啦，唔可以同啲任食嘅比較嘅。10款海鮮！有蟹、海虎蝦、鮑魚、生蠔、貴妃蚌、元貝、蜆、刀貝、石頭蜆、魚片。呢度嘅湯底都好特別，分別有粟米、甘筍、菠菜、紫薯、椰子，聽落去覺得好健康。個海鮮盤上枱個陣啲海鮮仲識得郁！聽老細講，佢哋真係每日出去拎最新鮮嘅海鮮返嚟，誠意可嘉！隻蟹真係不得了呀，勁多膏～呢度係以一人一鍋形式，我老公就要做椰子，我就要菠菜，飲落去係冇咩味嘅，但都飲到係冇味精。咁樣去淥啲海鮮，食到海鮮本身嘅味道，好鮮甜，我覺得反而仲正！隻蝦淥完大隻到咁樣！公道啲講，$188食完10款海鮮，係咪好飽，就梗係唔係啦（可能我倆公婆大食啦）呢個餐，可以以 $12 散叫一啲打邊爐配料，咁我哋係張單有啲寫1，有啲寫2，但嚟到我見份量都係咁上下，所以實際 $12 有幾大份呢？我係唔知嘅。質素就係一般任食個啲咁上下，唔好抱太大幻想（你懂的）食到尾，可以叫一份南瓜同芋頭同冷飯煲成粥底火鍋。菠菜湯底唔係好靚仔，但到呢個moment，啲海鮮味就嚟料喇，發覺啲粥底好鮮甜呀！同埋菠菜味都幾出。幾好幾好。$188一位係唔包飲
一窩瘋嘅海鮮粥底火鍋 $188一位，我覺得好足料，呢個價錢食到靚海鮮，都OK嘅，重質不重量啦，唔可以同啲任食嘅比較嘅。10款海鮮！有蟹、海虎蝦、鮑魚、生蠔、貴妃蚌、元貝、蜆、刀貝、石頭蜆、魚片。呢度嘅湯底都好特別，分別有粟米、甘筍、菠菜、紫薯、椰子，聽落去覺得好健康。
個海鮮盤上枱個陣啲海鮮仲識得郁！聽老細講，佢哋真係每日出去拎最新鮮嘅海鮮返嚟，誠意可嘉！
隻蟹真係不得了呀，勁多膏～
呢度係以一人一鍋形式，我老公就要做椰子，我就要菠菜，飲落去係冇咩味嘅，但都飲到係冇味精。咁樣去淥啲海鮮，食到海鮮本身嘅味道，好鮮甜，我覺得反而仲正！
隻蝦淥完大隻到咁樣！
公道啲講，$188食完10款海鮮，係咪好飽，就梗係唔係啦（可能我倆公婆大食啦）呢個餐，可以以 $12 散叫一啲打邊爐配料，咁我哋係張單有啲寫1，有啲寫2，但嚟到我見份量都係咁上下，所以實際 $12 有幾大份呢？我係唔知嘅。質素就係一般任食個啲咁上下，唔好抱太大幻想（你懂的）
食到尾，可以叫一份南瓜同芋頭同冷飯煲成粥底火鍋。菠菜湯底唔係好靚仔，但到呢個moment，啲海鮮味就嚟料喇，發覺啲粥底好鮮甜呀！同埋菠菜味都幾出。幾好幾好。$188一位係唔包飲品，咁你話係咪好抵我唔敢講，只可以話鐘意食海鮮嘅一定覺得呢度正！！
張貼
