影片
更多
2024-06-25
193 瀏覽
今日介紹嘅呢一間餐廳位於旺角，餐廳係一間樓上Cafe嘅，呢間都算係一人餐廳因為負責人身兼多位廚房樓面一腳踢。如果大家想試嘅話，記住要打電話預約咗先。同埋餐廳係無限時任坐因為設有唔同類型嘅board game比客人玩，如果約埋朋友玩返一晚都係一個唔錯嘅選擇。🌟 意大利黑醋煙三文魚沙律配法包新鮮沙律菜上面鋪滿煙三文魚，配上黑醋，酸酸甜甜幾開胃，加埋店主自家製蒜蓉醬配法包，作為前菜都不錯，不過如果法包烘底會更好。🌟 韓式牛肋條配飯牛肋條炆到好腍身入口即化，醬汁食落酸酸甜甜好入味，飯團整成鴨仔嘅形狀，賣相可愛，如果有小朋友黎食一定吸引到佢地既眼球。🌟 瑞士雞翼每份有6隻雞翼，瑞士雞翼食落甜甜地加上經過煙醺處理，上枱時熱辣辣，份量啱晒同朋友一齊分享。📌 AnyMomentCafé (旺角)旺角登打士街36號恆威商業中心9樓港鐵油麻地站 B 出口, 步行約4分鐘
今日介紹嘅呢一間餐廳位於旺角，餐廳係一間樓上Cafe嘅，呢間都算係一人餐廳因為負責人身兼多位廚房樓面一腳踢。如果大家想試嘅話，記住要打電話預約咗先。同埋餐廳係無限時任坐因為設有唔同類型嘅board game比客人玩，如果約埋朋友玩返一晚都係一個唔錯嘅選擇。
🌟 意大利黑醋煙三文魚沙律配法包
新鮮沙律菜上面鋪滿煙三文魚，配上黑醋，酸酸甜甜幾開胃，加埋店主自家製蒜蓉醬配法包，作為前菜都不錯，不過如果法包烘底會更好。
🌟 韓式牛肋條配飯
牛肋條炆到好腍身入口即化，醬汁食落酸酸甜甜好入味，飯團整成鴨仔嘅形狀，賣相可愛，如果有小朋友黎食一定吸引到佢地既眼球。
🌟 瑞士雞翼
每份有6隻雞翼，瑞士雞翼食落甜甜地加上經過煙醺處理，上枱時熱辣辣，份量啱晒同朋友一齊分享。
📌 AnyMomentCafé (旺角)
旺角登打士街36號恆威商業中心9樓
港鐵油麻地站 B 出口, 步行約4分鐘
張貼
