影片
更多
2024-12-01
0 瀏覽
成日都聽朋友介紹呢間日式爐端燒餐廳 @nagasakayaki ，據說可以用親民價格食到高質質素，所以就嚟試下。😌餐廳以船為主題，格局寬敞，設有吧枱同卡位。坐吧枱可以體驗呢度嘅特色「用船漿上菜」 ，幾過癮下。今次我哋叫咗個入門版嘅套餐，佢係以廚師發辦形式，會視乎當日有咩新鮮食材而俾咩菜式你，店員亦會簡單介紹返。❤️成個過程大概兩小時，係個幾愉快嘅體驗。🥳長阪12旬彩席間料理（12品）HK$468①前菜➡️ 海膽豆腐、磯煮鮑魚、魚乾🎣先上三樣前菜，豆腐質感軟滑，以海膽醬調味，有少少鮮甜感覺，但冇話非常突出。鮑魚易咬唔韌，醬汁煮得非常入味。魚乾甜甜哋，配埋核桃送酒一流。味道：7.5/10②先付➡️ 八爪魚、帶子刺身 🐙以醋漬調味，帶子軟腍肉厚，八爪魚爽口帶少少彈牙，味道鮮甜又帶少少酸味。配埋海帶，非常清爽開胃。味道：8.2/10③刺身 🐠➡️ 池魚、北海道海膽、蛋黃醬赤身池魚王肉厚肥美，鮮嫩爽脆帶油香。赤身都唔錯，完全冇筋，亦冇腥味，反而食到吞拿魚魚味。廚師以蛋黃淋上赤身，解決咗赤身油脂偏少嘅問題，所以食落口口感好滑，亦唔覺乾身。😙北海道海膽真係有驚艷感覺，口感細緻軟滑，口腔頂一頂已經融化。而且完
成日都聽朋友介紹呢間日式爐端燒餐廳 @nagasakayaki ，據說可以用親民價格食到高質質素，所以就嚟試下。😌餐廳以船為主題，格局寬敞，設有吧枱同卡位。坐吧枱可以體驗呢度嘅特色「用船漿上菜」 ，幾過癮下。今次我哋叫咗個入門版嘅套餐，佢係以廚師發辦形式，會視乎當日有咩新鮮食材而俾咩菜式你，店員亦會簡單介紹返。❤️成個過程大概兩小時，係個幾愉快嘅體驗。🥳
長阪12旬彩席間料理（12品）HK$468
①前菜
➡️ 海膽豆腐、磯煮鮑魚、魚乾🎣
先上三樣前菜，豆腐質感軟滑，以海膽醬調味，有少少鮮甜感覺，但冇話非常突出。鮑魚易咬唔韌，醬汁煮得非常入味。魚乾甜甜哋，配埋核桃送酒一流。
味道：7.5/10
②先付
➡️ 八爪魚、帶子刺身 🐙
以醋漬調味，帶子軟腍肉厚，八爪魚爽口帶少少彈牙，味道鮮甜又帶少少酸味。配埋海帶，非常清爽開胃。
味道：8.2/10
③刺身 🐠
➡️ 池魚、北海道海膽、蛋黃醬赤身
池魚王肉厚肥美，鮮嫩爽脆帶油香。赤身都唔錯，完全冇筋，亦冇腥味，反而食到吞拿魚魚味。廚師以蛋黃淋上赤身，解決咗赤身油脂偏少嘅問題，所以食落口口感好滑，亦唔覺乾身。😙北海道海膽真係有驚艷感覺，口感細緻軟滑，口腔頂一頂已經融化。而且完全冇平時廉價嗰種腥苦臭，而係有種creamy嘅感覺，甜甜哋帶奶香。😍😍
味道：8.5/10
④蒸物
➡️ 魚子鵝肝蒸蛋🥚
蒸蛋用原隻蛋殼裝住，上面擺放魚子同鵝肝，貌相相當吸引。蒸蛋的質地非常柔滑，入口即化，配合鵝肝嘅油脂讓蒸蛋更添濃郁感，魚子則增添了一絲鹹香。🤩
味道：8.5/10
⑤御造
➡️ 蟹肉餅、伊達卷🦀
廚師用日式最中餅包住蟹肉絲同八爪魚子，可以食到三層口感，其中以八爪魚子嘅鹹香味道最為突出，之後再食到蟹肉嘅鮮甜，層次非常之豐富。👍🏻伊達卷比較特別，係日本新年年菜「御節料理」絕對會出現的經典菜餚之一，以雞蛋、魚漿、糖、味醂等食材製成嘅蛋卷。呢個伊達卷色澤金黃，口味札實，蛋味香濃，味道偏甜。🍳
味道：7.7/10
⑥味自慢燒物
➡️ 燒豆腐
店家話係自家製豆腐，豆腐外皮炸到脆卜卜，裡面嫩滑有豆香，上面配上木魚絲，雖然驚喜不大，不過幾香口。🙌🏻
味道：7.7/10
⑦➡️ 燒時令魚🎏
金黃酥脆的外皮，燒得很香脆，內裡保持鮮嫩，口感對比十分吸引。因為燒嘅關係，避免過多油炸，保留魚嘅鮮味，配菜酸酸甜甜，值得一試！🫶🏻
味道：8/10
⑧天婦羅
➡️ 松葉蟹腳、北海道南瓜🎃
天婦羅麵衣輕薄，口感鬆脆。配合啖啖肉嘅松葉蟹腳，口感非常之好。天婦羅可以配經典嘅天婦羅汁或者抹茶鹽。抹茶鹽鹹中帶苦，令層次更豐富。🍵至於北海道南瓜非常之香甜，口感偏爽，點返天婦羅汁好食啲。
味道：8/10
⑨➡️ 燒時令貝 🍊
燒扇貝係原隻上嘅，上之前仲會刨啲柚子皮。扇貝肉質厚實，非常鮮味，帶少少焦香同柚子香，令佢有種清新嘅感覺，層次更豐富。大家記得要飲埋佢啲汁，全部精華喺晒到。
味道：8/10
10 ➡️ 釜飯 🍚
釜飯係由高湯同菇煮成，之後仲會灑上櫻花蝦乾🍤。食落去飯粒圓潤飽滿，粒粒分明，夾雜住蝦乾香味同高湯香味。
①①➡️ 蜆肉魚湯 🥣
魚湯色澤奶白，味道偏清帶少少鮮味，蜆肉大大隻，配埋飯食好滿足。
味道：7.7/10
①② 甜品
➡️ 巨峰瑞士卷、水玄信餅 🍇
瑞士卷巨峰味好香甜，蛋糕體鬆軟。水玄信餅照傳統食法，會有黑糖同黃豆粉，味道驚喜不大，但質感軟滑，又帶啲彈性。
➡️ 百香果乳酸梳打 🫧🫧
呢個真係好啱打咭！師傅會用泡泡槍整個泡泡放喺飲品上面，客人可以整爆佢🫧🫧，據同行朋友講係會有少少香味，聞完香味就可以試下個飲品，百香果乳酸非常香甜，梳打帶微微刺激感。飯後飲都幾爽。
味道：8/10
抵食：8.2/10
服務：8.3/10
環境：8.2/10
長阪燒
地址: 旺角砵蘭街189號2樓
#hk #hongkong #hkig #hkfoodie #hkfood #hkeat #香港美食 #食評 #香港食評 #香港生活 #香港必食 #旺角 #旺角美食 #mongkok #日本 #日本菜 #炉端焼き #omakase #お任せ #sashimi #seafood #barbecue #grilled #刺身 #燒烤 #海鮮 #さしみ #やきも #dessert #甜品
張貼
