長阪燒

營業中

休息中

今日去咗旺角一間叫「長阪燒 」嘅餐廳食晚餐，餐廳有吧枱位同卡枱位，吧枱位近距離欣賞師傅嘅備餐過程，餐廳嘅侍應上菜時會介紹菜式，服務唔錯。🍊 三點刺身刺身有三款高級嘅食材，包括目仁奈、金目鯛同熟成拖羅，目仁奈屬於白魚，魚肉結實彈牙，魚味極濃；金目鯛屬於白魚，魚皮鮮紅而帶金色嘅光澤，魚肉鮮嫩；熟成拖羅後嘅脂肪豐厚，入口即溶，味道濃郁🍊 雲丹炙燒和牛小砵小砵內有炙燒和牛片、三文魚籽、海膽同珍珠飯，口感層次豐富，和牛燒完之後肉質軟熟，醬油加上三文魚籽同海膽嘅鮮甜味令到味道好豐富🍊 法國鵪鶉脾風乾鵪鶉脾嘅份量唔算多，上菜時有個蓋冚住，打開有煙飄出嚟，食落都有淡淡嘅煙熏味，鵪鶉脾燒完之後肉質仍然好柔嫩，旁邊有蘋果醋可以做條味🍊 博多系列蘋果卷係博多系列之一，一片豚肉包裹着一塊蘋果片再燒，蘋果燒完之後甜度更加突出，薄薄一片豚肉厚薄啱啱好，上面配有酸酸地嘅柚子醬，食落酸酸甜甜好開胃；豚肉包住椰菜仔，燒完之後嘅椰菜仔仍然保持到多汁清甜；卷蝦係用豚肉包住紫蘇葉同生蝦，令到外層同入面嘅口感都唔同；蒜心卷係用豚肉包住一束香蔥，造型好似蒜心一樣，香蔥嘅味道非常清甜，口感爽脆多汁🍊 燒雞皮風乾雞皮嘅做法令到雞皮食