影片
更多
2019-09-27
111 瀏覽
【水門雞飯 親民價錢 不過不失】正宗泰國菜用上多種香料，比港式小炒調味更重口味，刺激味蕾，係唔少香港人最愛。呢開泰國過江龍，打住水門雞旗號，試過覺得的確唔錯，價錢尖沙咀食飯嚟講，唔食環境淨睇食物叫做好貼地啦！海南雞飯（$ 58下午茶）雞肉結實，皮同肉之間有嗰層海南雞獨有嘅啫哩，沾上配備嘅辣豉油醬汁，三四舊雞已經可以送曬成碗飯。附上嘅瓜湯都入口清甜，唔係普通味精湯。但係油飯嚟講就比較普通，有油但唔夠香，撈嘅雞油唔夠多。泰式炒牛河（$ 60下午茶）偉大嘅廚神Gordon Ramsey都曾經俾一位正宗泰廚話過，Pad Thai has to be sweet, sour and salty〜雖然呢碟唔伇Pad Thai，泰式炒牛河叫Pad See Ew（含牛肉），但佢都係完全唔夠調味，唔咸亦唔辣，要自己加豉油。河粉未炒散就上碟，有啲黏住一舊舊。泰式奶茶（下午茶跟餐）呢杯嘢就真係比較正宗，見到廚房都係用手標牌茶葉沖，顏色偏橙，帶有煉奶香，下午茶仲免費跟餐送嘅飲品，出去買杯奶茶都$ 30啦，所以呢個位真系好抵！
正宗泰國菜用上多種香料，比港式小炒調味更重口味，刺激味蕾，係唔少香港人最愛。呢開泰國過江龍，打住水門雞旗號，試過覺得的確唔錯，價錢尖沙咀食飯嚟講，唔食環境淨睇食物叫做好貼地啦！
海南雞飯（$ 58下午茶）
雞肉結實，皮同肉之間有嗰層海南雞獨有嘅啫哩，沾上配備嘅辣豉油醬汁，三四舊雞已經可以送曬成碗飯。附上嘅瓜湯都入口清甜，唔係普通味精湯。但係油飯嚟講就比較普通，有油但唔夠香，撈嘅雞油唔夠多。
泰式炒牛河（$ 60下午茶）
偉大嘅廚神Gordon Ramsey都曾經俾一位正宗泰廚話過，Pad Thai has to be sweet, sour and salty〜雖然呢碟唔伇Pad Thai，泰式炒牛河叫Pad See Ew（含牛肉），但佢都係完全唔夠調味，唔咸亦唔辣，要自己加豉油。河粉未炒散就上碟，有啲黏住一舊舊。
泰式奶茶（下午茶跟餐）
呢杯嘢就真係比較正宗，見到廚房都係用手標牌茶葉沖，顏色偏橙，帶有煉奶香，下午茶仲免費跟餐送嘅飲品，出去買杯奶茶都$ 30啦，所以呢個位真系好抵！
泰式炒牛河
$60
11 瀏覽
0 讚好
0 留言
海南雞飯
$58
12 瀏覽
0 讚好
0 留言
張貼
