御犇麵館 (金禧花園)

營業中

休息中

【沙田區】【御犇麵館】被朋友話我喺呢度成日都講啲粉麵店，咁我得一條友，選擇不多，加上我同朋友食飯嗰啲都已經盡量做其他類型嘅餐廳。奈何我真係冇乜朋友，加上工作關係都幾難約食飯，而近期嘅堂食限聚令更加係雪上加霜，無奈至極都要講一句，想我點啫。另外，粉麵店其實都係陪住香港人成長嘅一個好重要嘅部份，有啲肚餓就隊碗麵，飽肚得嚟又唔貴，好過食啲 for 打咭嘅食物，虛有其表。加上做呢啲麵檔比較少機會被誤會係收錢寫嘢，唔想成個帳户都係「宣傳易」咁，完全冇晒本身嘅內容。咁今次嚟到大圍新開嘅呢間麵店，雖然話新但其實都開咗超過一年喇好似。入到去食個「皇牌三牛麵」，三樣嘢就係牛腩、牛筋、牛肚，配個粗麵，我覺得都唔錯，加 $10 要杯「凍檸茶」少甜之後變成 $67，都唔平喎，只能夠講個質素頂得住。既然未飽到透，仲有啲位可以再食多少少嘢，所以就叫咗碗「招牌人氣彈彈牛丸」，唔配粉麵，淨食。我覺得都幾有牛味，幾好食，七粒都做到少少爆汁嘅效果，可以話係鬆化彈牙。一碗 $35 嘅價錢，唔平，不過耐唔時一碗嘅話絕對過癮。食完呢次之後，有兩碗嘢其實已經寫得嘢，但係我覺得我仲會有機會食所以唔寫住，結果之後真係叫咗個「牛雜粗麵