QUE (新城市廣場一期)

營業中

休息中

【沙田區】【QUE】經過沙田新城市廣場，覺得自己冇乜機會食嘅一間嘢，偏偏又會喺一啲時候就會食到，講緊嘅當然係同朋友一齊嘅時間。其實呢啲飲飲食食嘢我就真係冇乜要求，做 foodie 都係本住「盡量是其是，盡量非其非」嘅心態去做咋。而我喺頭先都有提到，我真係冇諗過嚟呢度食，所以我連佢食乜都唔知嘅。睇咗餐牌就知原來佢哋係有日式料理同啲西餐咁，又有啲甜品叫吓咁。呢啲食肆係咪本身都有個名，籠統啲咁稱呼佢哋？日西料理？和西料理？我唔知。我只係知我就叫個 $148 嘅「牛油果角切魚生沙律」配「和風柚子醬油」，我就唔係懶健康先叫呢款嘅，而係我覺得佢真係會幾吸引嘅。食落係幾惹味，啲魚生都唔似啲刺身嘅頭頭尾尾，而係真係切出嚟嘅，同個醬汁幾夾，正。朋友食 $148 嘅「明太子蟹籽意粉」，實行同我一西一日咁嘅配搭。一向唔算好大食嘅佢都食晒嗰碟咁大碟嘅嘢，證明佢真係幾好食。連埋加一埋單 $326，喺得商場食嘢預咗唔會平，之但係落樓價係呢個我又覺得唔係好貴啫。。。（地址：沙田沙田正街18號新城市廣場一期1樓126號舖）#1amfoodie #foodie #hkfoodie #thatfoodiething #h