QUE (新城市廣場一期)

營業中

休息中

好少可出沙田今日做完嘢係商場行左好耐諗食咩 最後喺門口睇Menu揀中左呢間點知就係咁中左伏 月見燒牛肉意大利飯：俾個menu fake哂 完全係圖片只供參考黎到啲牛比較厚 又太熟了 好靱 完全唔好食🥲飯底正常發揮 無特別 抹茶豆腐沙冰：佢寫到明係沙冰 沙冰喎🥲🥲我飲落 全部都係碎冰粒味道係正常 但每一啖都係碎冰難飲🥲呢個價錢 呢個質素 不了員工態度不錯的 斯斯文文同埋環境不錯 坐得幾舒服但今次叫兩樣嘢 兩樣嘢都唔好食唔會有信心再黎試下次

星期四2：30去新城市找寵物友善餐廳， 見話Que 是寵物餐廳， 便去問下入唔入得。個門口男侍應話可以， 叫我們等陣， 因寵物坐位剛被人坐了， 要等。其後居然話狗隻要放餐廳外圍白色部份， 主人坐入面， 是否有問題？！ 。。咁叫友善寵物餐廳。狗要放出面， 仲要遠一遠。個男經理侍應話間間餐廳都係咁啦。態度非常有問題。即走， 唔會幫襯，咁叫友善寵物餐廳。 傻的嗎？

今日嚟再食佢個下午茶🫖叫咗三個tea set 餐，叫咗一個沙律🥗，吉列豚肉三文治同埋一件鰻魚壽司塔😋個套餐已經包咗咖啡或茶，如果要一啲特別嘅飲品可以再加錢。個沙律係正常發揮，而我覺得個吉列豚肉三文治都幾好食，但係一定要趁熱食，因為如果凍咗就比較油膩。另外最值得欣賞嘅就一定係佢嗰個鰻魚壽司塔，其實佢仲有幾款揀嘅，但係我哋揀咗鰻魚，個紫菜係脆嘅，夾埋落去嗰個鰻魚度同埋啲壽司飯好惹味，亦都好清新， 10分推介。😋下午茶餐我覺得幾抵食，人均加埋每人大約$100到，已經第二次嚟，特別一提，佢安排咗一個比較可以傾偈嘅位俾我哋，比較靜嘅位，我哋可以慢慢慢傾，亦都冇時間限制，整體環境舒適，坐得舒服☺️

超級難食又貴，三條友食咗差唔多$900。我呢個價錢去食放題唔好？個意粉係可以完全冇味，好似滾水淥出嚟咁。個魚生飯多水到以為啲魚仲喺海入面游緊，超級無敵軟爛啲魚肉😅😅 $300嘅豬肉得四片，係咪鑲金🙏🏻個抹茶飲落去，成個青瓜汁咁嘅味道，剩係得個甜字一啲抹茶味都冇。服務又係明明聽到都唔理你。已經Blacklist咗，有緣人見到可以慳返啲錢唔使試。下次試新餐廳之前都會睇吓OpenRice啲評論。所以點解寫夠200字先至可以俾呢間餐廳一個負評。

年初七人日約咗朋友喺沙田新城市廣場，行下經過見到一間門口幾特別嘅日式餐廳，睇到有午市套餐咁就入去試下，午市時段都坐滿七至八成，感覺氣氛好好！見到週圍都有好多貓貓嘅擺設都幾特別餐廳裏面有個open kitchen嘅壽司吧，感覺好開揚，食物方面嗌咗個午市套餐1: 南瓜忌廉湯飲落好細滑重南瓜味2：角切魚生丼飯 $148有好多唔同切成細粒嘅魚生放面成個擺設好吸引，食落去魚生新鮮，唯獨是沒有炸天婦羅order，如果唔係就配搭一絕3：雞扒海苔意大利飯 $158另一個係午市套餐嘅雞扒海苔意大利飯！雞扒都幾大塊意大利飯都好煙煙靭勒，煎焗得好香，加上有海苔汁嘅配襯味道好有新鮮感！如果可以加煎蛋又或者做到蛋包飯嘅效果就無敵！純熟個人建議餐飲叫咗杯凍檸檬茶，最初以為係普普通通嘅一杯檸檬茶原來有點驚喜，起初覺得味道怪怪哋同平時西餐廳嘅檸檬茶有點而不同，再飲落去越飲越好味最尾忍唔住問員工呢樣係咩嘅檸檬茶，員工友善地答返我係話紅茶加咗（xx茶）而製成，難怪會有一陣陣清香茶味輕微帶出總括嚟講今次嘅用餐體驗感覺好好，員工服務週到有禮殷勤，會有機會再約朋友過嚟一齊食飯！

假期食飯時段 成個新城市都好多人等位食飯見到依間餐廳外觀幾靚又唔使等位入座所以就決定食佢啦日本裝修 都好精緻座椅都坐得舒服地方寬敞由於唔太肚餓，所以就每樣都食少少咁蒜香柚子胡椒蜆肉意粉一上菜個外觀已經唔吸引只係見到底部啲汁係一啲好稀嘅水食落口已經非常之淡味有少少的胡椒味蜆肉數量普通都唔會有沙嘅櫻花城 外表好靚呀打卡一流迷你吞拿魚丼 火炙三文魚明太子沙律份量正常食物一般魚生冇特別有鮮甜的味道沙律菜正常八爪魚冷烏冬個冷烏冬，雖然係有顏色但其實係冇味㗎 同白烚烏冬一樣黑松露吉列芝士蠔係最正常的但其實都炸得偏燶黑松露蟹籽壽司筒係幾特別嘅有個雪糕同包住啲飯但冇話特別好食 淡淡的黑松露味配埋個雪糕同少少甜味有啲唔係好夾紅茶焦糖燉蛋冇咩紅茶味 有啲似朱古力味而且好甜甜到唔太想食整體嚟講好難食，千祈唔好俾外表吸引到終於明白點解每間餐廳都咁多人食，唯獨依家唔使等

星期三,下雨天來到沙田新城市廣場逛逛,選了這間餐廳試試,其實以前來過,印象中食物不錯.但今次來,由入坐到點菜,送餐都服務都非常不好,無禮貌,無笑容,,今次點了龍蝦湯湯烏冬,墨魚意大利飯,和軟彀蟹壽司塔,整體而言,食物味道還是不錯,但份量就太少了.,食物份量與價錢不相符.餐後想叫飲品,完全無人理會,但未入坐已告知90分鐘限時,想早些走也沒辦法.,因為服務真是太差,非常差,,不想受氣,無人理的話,應該不想也不會再來啦！！！

人生食過最難食嘅意粉就係呢間QUE🙏🏻意粉完全冇收汁，唔講以為食緊湯意粉，問呀經理仲話「我地呢份意粉係唔收汁㗎」。呀經理，我睇到你唔收汁呀，我就係問緊你咁難食點好意思攞出嚟賣呀🤡個意粉完全冇掛到任何汁，結果就係乾爭爭冇味意粉，想有味就要沾一沾啲湯，我食沾麵定湯意？價錢貴啲唔緊要，預咗要幫你交租，你都唔係俾啲咁嘅嘢人食呀？呢份意粉個難食程度係貼錢俾我都唔想再食，煮一份就浪費一份食物，大家幫襯多啲食多啲☺️

上次來Que食下午茶餐，今日約了朋友來品嚐午餐，聊聊天！之前訂左檯12:00，時間早，人不到，也不用等候！午餐餐牌有幾樣不同款式選擇，日本烏冬配鰻魚義大利飯，也有日本壽司配墨西哥Taco，fusion菜！點了一份Benedit蛋牛肉，份量跟早餐差不多！只係麵包不夠鬆軟，溫度也不夠熱！大概13:15，服務員來結帳，13:30，服務員說要交檯（入座時沒有說有時間限制），這一點確實差了一點點。

今日去咗QUE，呢間餐廳位於新城市廣場，主打日式同西式fusion菜。🍳 漢堡扒全日早餐漢堡扒充滿牛味，配埋煎蛋、脆身嘅香腸同bagel，整個早餐好有層次感。呢個全日早餐係西式早午餐嘅好選擇，份量十足，食完飽肚！🍔🥓🍞🍣 角切魚生井呢個魚生丼係日式風格，魚生種類豐富，有三文魚同吞拿魚，質感新鮮。飯粒夠香，微微帶有酸甜嘅醋飯味道，整體非常清新。每一口都可以品嚐到魚生嘅鮮味，令人回味無窮！🍚🐟🍑 香桃富士梳打（讚好獎賞）因為讚好咗餐廳嘅社交平台，有一杯香桃富士梳打作為獎賞。呢杯梳打真係好清爽，帶有淡淡嘅香桃味，唔會過甜，氣泡感適中，非常解渴。喺食完豐富嘅主菜後，呢杯梳打正好幫我清返味蕾。🍹🍑呢個fusion餐廳真係唔錯，無論係西式嘅全日早餐定日式嘅魚生丼，都做得好出色。

今日晏晝同同事食飯本身係Openrice book左12:30 5位但因工作關係，遲左15分鐘到達企門口帶位嘅同事一見到我地遲咗就態度極差黑哂臉咁話：「下 我地留位留十分鐘咋喎，我岩岩正想入張5人枱，差啲已經入左架啦」 我地都已經好有禮貌咁問：「係呀..咁我想問宜家有無位呀？」然後佢又重覆返頭先嘅說話：「真係本身已經入左架啦，入左就無架啦。」而我地明明望住人地離開，而無唸住入座。而且入面仲有好多空位乜野差啲？乜野已經？我地遲到係我地唔好咁有位咪有位，無位咪無位囉唔明點解要態度咁差😓😓😓😓其他職員都無問題，食物都無問題。係門口個男職員扣哂分！！

今日放假同老公阿仔出左沙田食野打機，行過見到呢間日式西餐廳好似唔錯，走去試下先叫左2個Lunch Set，包餐湯或沙律，仲有茶或咖啡軟殼蟹意粉配生椒忌廉汁 $158 好creamy少少辣。 但基本上都唔辣，軟殼蟹炸到脆卜卜燒宮崎雞扒海苔意大利飯 $158 都幾好食，意大利飯好香紫菜味另外追加小食+$48 鰻魚玉子壽司塔可 無乜鰻魚味，切到好薄身，一般+$48 香蔥拖羅蓉牛油果醬壽司塔可兩款都好係炸到脆卜卜既紫菜，包住黎食，個人覺得Toro特別好食呢間餐廳質素幾好，份量大碟，味道有驚喜，唔錯。臨埋單時發現Openrice有$95當$100用既Coupon，即買4張，平少少咁多啦😂

去沙田行街，其實完全唔擔心冇嘢食，因為每次都會發現到有新嘅餐廳，今日就嚟Que試吓，之前都喺其他分店試過。好鍾意佢嘅logo先嚟是日餐湯甘筍湯。重點個湯夠熱。跟住兩公婆都嗌咗個熱美食咖啡，不過咖啡豆唔係太香。呢個係吞拿魚牛油果塔。真係好好食味道口感一流 差不多每次去餐廳都會食一件虎蝦海鮮湯烏冬。烏冬好好味，夠煙靭可惜個蝦有少少霉。 唔夠爽口。吞拿魚蓉丼。我老公嘅至愛同日本米簡直非常匹配。 旁邊前菜也很特別。不過唔記得問係乜嘢嚟。

很少寫評語，但今次真係想寫一寫。係餐廳叫咗個豚肉飯(個全名唔記得喇)，黎到賣相 其實可以的，但吃了幾口，真係唔掂。首先，個飯底已經撈咗白忌廉，然後再係上面淋咗好多日式醬汁，再係個飯上面加隻生雞蛋。所有呢d液體混埋，只有兩個字 - 難食！成盤飯水汪汪的，比食齋腸粉的醬味道還要濃。d飯浸到一pat 嘢咁，完全食唔落口。然後，就係d豚肉，俾d醬蓋過晒原有的肉味。其實唔知個廚點解會咁樣煮個豚肉飯，十分難食。根本唔須要落白忌廉係個飯度，搞到個飯不倫不類。因為已經有蛋漿同日式醬汁混和，日式醬汁味濃，溝d蛋漿有中和作用，而且日式醬汁根本唔須要落咁多。最後豚肉應該搭些配料一齊煮，洋蔥/生姜配搭都可以。一個豚肉飯有本事煮到咁難食，第一次見。

OPEN RICE 又告訴我 懷疑呢間餐廳有提供優惠俾人寫食評。問我係咪要繼續出食評…有收就…警告違法……。佢搞咩關我鬼事咩，我地呢D人直話直說，一毛子都沒有優惠，亦無需要囉❗️食飯既野大口氣D我唔稀罕人請，我無錢食咩😂請我都要睇下我鍾唔鍾意食喎👻。真金白銀俾錢，最憎俾人屈，要唔要 準備俾埋信用卡記錄你睇 以正清白🫨。❗️❗️繼續出清白POST :睇完戲，去食晚餐。今日是你了🫵［QUE］❗️成日經過都好多人等位，一直沒有機會試食。肚餓到咕咕聲，先來一個2人餐再散點些想食既🤭讓我一次食過夠。❤️❤️❤️松葉蟹 蟹籽沙律，材料簡單，蟹肉、蟹籽、🥒青瓜絲，配適量沙律醬。入口微涷，清新開胃👍。❤️❤️❤️TACO，選了辣味三文魚🐟壽司，紫菜入口爽脆材料足，微辣滋味，好豐富 必食。❤️❤️❤️黃金蟹籽加州卷，賣相好靚❤️，簡單既小壽司配香芒醬，絕對是夏日之選，清新又輕盈。❤️❤️宮崎雞扒意大利飯配低溫水煮雞蛋，主食份量大，飯底是芝士醬，味道濃郁好香芝士味，好味，但有少少膩。❤️❤️❤️明太子醬單骨雞翼 ，熱噴噴的雞翼炸得脆卜卜，好味。❤️❤️❤️甜品是提拉米蘇盒子米麻薯，濃郁的咖啡香味，甜度適中，麻薯煙韌，十分滿足❗️整體黎講，喜歡這裏用餐