鵬哥清湯腩

營業中

休息中

【油尖旺區】【鵬哥清湯腩】喺旺角東站行去麥花臣嗰邊落橋位對面有個舖位，開咩餐廳都冇乜好下場，我哋一直都有留意開佢。最近佢哋轉咗做一間清湯腩，我就一條友走去會一會佢。入到去發現佢個模式都幾「大陸」，不過呢樣嘢係大趨勢嚟，我都唔會理會，照樣坐低叫嘢食啦。首先食 $62 嘅「清湯崩沙腩粗麵」，佢哋解釋崩沙腩係「牛腩中橫隔膜連著瘦肉層層相間的部分肥瘦適中口感很軟肉味濃鬱」，喂，「濃郁」下話，呢度香港嚟。啲崩沙腩係唔錯，不過個粗麵好似冇煮過咁，夾幾吓都唔散開，都幾黐線，我完全接受唔到。之後 $19 嘅「生菜加腩汁」就可以，叫多碗 $43 嘅「淨紫菜四寶丸」，紫菜、魚蛋就多，魚片、牛丸、墨魚丸得一件，味道仲要一般，想點？嘢飲我加 $3 飲「凍檸茶走甜」，味道正常。埋單 $127，間嘢接近冇冷氣，早走早着，反正唔會再幫襯。。。（地址：旺角亞皆老街88-96號利豐大廈地下A及B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #t