Prosit Bar and Restaurant

營業中

休息中

【油尖旺區】【Prosit Bar and Restaurant】情人節嗰日嘅中午約咗朋友食一間歐陸式酒吧，入到去真係有啲似我喺奧地利嘅時候去過嘅酒吧，嗰種懷舊嘅木質氛圍估唔到喺香港都會有。我就訂咗 $398 一位嘅「浪漫歐式佳餚三道菜套餐」，未連加一服務費嘅，不過冇所謂啦，爭嗰少少，到時先。頭盤要咗「煙三文魚沙律」同「鮮蘑菇忌廉湯」，前者幾清新，後者蘑菇味香濃之餘，飲落口感幼滑，幾好。主菜就食「德國馳名咸豬手」同「肉眼扒」，前者個皮算香脆可口，肉質都可以，後者都好味，牛肉味香濃，伴碟嘅炸薯球都値得我特別提一吓佢嘅。飲品要「熱檸檬茶」，係可以嘅。而我仲加 $25 要咗「Apple Strudel w/ice cream」，即係一隻維也納蘋果卷，加埋個雪糕，成件事幾好，有驚喜喎。我係喺 Openrice 訂呢個餐嘅，咁佢個價錢就未包括加一服務費，個加一就以原價去計算，咁複雜嘅。。。（地址：尖沙咀亞士厘道22號好利時大廈1樓）#1amfoodie #foodie #hkfoodie #thatfoodiething #hkfood #food #instafood #yummy #food