嘉寶漢堡 (和益中心)

營業中

休息中

【油尖旺區】【嘉寶漢堡】成日經過尖東嗰邊，每次都想食呢間嘉寶漢堡但係每次都因為好多人所以冇食到，我今次特登晏少少去先有位。有時街坊口碑、好評呢啲嘢，就係咁樣都可以睇得出，身體最誠實嘛。作為主打手工港式漢堡嘅本地漢堡店，佢哋用「慢煮」嘅方式嚟整啲漢堡扒。呢個方法可以令啲扒鎖住更多肉汁，食起上嚟口感更加 juicy。我就試咗個 $54 嘅「黑松露芝士牛堡」，仲加 $6 試多份「芝士」，啲黑松露香氣同濃郁芝士口感再加上牛肋條切碎而成嘅超 juicy 牛肉扒，打緊字嘅我都流晒口水，而我亦都加 $18 要埋「套餐」。套餐小食我揀「薯餅」，好好味，又香又脆。嘢飲我就揀「VLT Sparkling」，係有汽嘅維他檸檬茶，好正。我仲加 $10 要埋「炸芝士」，係一條條嗰隻，芝士味好香濃，而芝士餡仲可以拉絲，多埋視覺享受。咁樣都只係 $88，我覺得喺尖東食到咁嘅嘢係抵。而呢間「嘉寶漢堡」除咗熱賣嘅牛肉漢堡之外，亦有推出雞肉、豬肉、蝦肉同埋羊肉漢堡，近期更推出新口味鴨肉漢堡，有興趣都可以嚟試吓，我都想睇吓好唔好食。而佢哋而家有三間，地址如下：尖沙咀店：尖沙咀寶勒巷9-11號葵涌店：青山公路499號嘉寶大廈