影片
更多
2023-05-01
733 瀏覽
【油尖旺區】【金二少冰室】我係茶餐廳 foodie 呢個朵就應該係眾所周知，我會唔會係全香港第一個承認自己成日食茶記嘅 foodie？嗱，留意返係「承認成日食」，唔係「成日食」，講緊嘅係兩個唔同嘅行為嚟，心水清嘅讀者可能感應到講乜。入正題先，因為今次都係正經嘢，話晒人哋個朵仲響，即係佐敦金二少叫到你唔係唔去下話嗰隻，咁咪去囉，佢喺童軍酒店對面，唔難去吖，附近仲有 Plato 同埋突破書廊，我仲喺呢頭撞見過我小四班主任咸家，少啲嚟好啲。入到去，侍應極力推薦我食 $68 嘅「原隻南瓜海鮮咖喱焗飯」，聽個名幾有霸氣同埋幾正，但係我真係唔想食飯，冇計。叫咗個金二少常餐，有「金牌沙爹牛肉麵」、「蟹柳炒滑蛋」同「牛油多士」，個麵唔算特別，只係 okay。反而個炒滑蛋配蟹柳幾有新鮮感幾得意，而且炒得幾滑，件多士就正常啦。嘢飲方面，我換咗金二少嘅樽裝「港式奶茶」，茶底幾厚實，幾正。加埋做「熊仔奶茶」就仲正，個冰熊仔好似都係茶嚟，溶入杯嘢飲嗰陣感覺唔錯。個餐 $48 加 $19 嘢飲就變成 $67，硬係好似唔多夠喉咁。本身諗住叫西多，但我見隔離枱叫，係切好咗金磚嗰種，吸引力大減，不如叫茶記絕少見到嘅「朱
入正題先，因為今次都係正經嘢，話晒人哋個朵仲響，即係佐敦金二少叫到你唔係唔去下話嗰隻，咁咪去囉，佢喺童軍酒店對面，唔難去吖，附近仲有 Plato 同埋突破書廊，我仲喺呢頭撞見過我小四班主任咸家，少啲嚟好啲。
入到去，侍應極力推薦我食 $68 嘅「原隻南瓜海鮮咖喱焗飯」，聽個名幾有霸氣同埋幾正，但係我真係唔想食飯，冇計。叫咗個金二少常餐，有「金牌沙爹牛肉麵」、「蟹柳炒滑蛋」同「牛油多士」，個麵唔算特別，只係 okay。
反而個炒滑蛋配蟹柳幾有新鮮感幾得意，而且炒得幾滑，件多士就正常啦。嘢飲方面，我換咗金二少嘅樽裝「港式奶茶」，茶底幾厚實，幾正。加埋做「熊仔奶茶」就仲正，個冰熊仔好似都係茶嚟，溶入杯嘢飲嗰陣感覺唔錯。
個餐 $48 加 $19 嘢飲就變成 $67，硬係好似唔多夠喉咁。本身諗住叫西多，但我見隔離枱叫，係切好咗金磚嗰種，吸引力大減，不如叫茶記絕少見到嘅「朱古力棉花糖焗多士」仲好，佢中間都有夾一層花生醬，$30 嚟講抵玩。。。
（地址：尖沙咀柯士甸道71號地舖）
#1amfoodie #foodie #hkfoodie #thatfoodiething #hkfood #food #instafood #delicious #foodies #tasty #globaleats #foodpics #followforfollowback #love #eat #1am油尖旺區 #佐敦 #尖沙咀 #金二少冰室 #金二少 #冰室 #茶餐廳 #金二少常餐 #金牌沙爹牛肉麵 #蟹柳炒滑蛋 #牛油多士 #港式奶茶 #朱古力棉花糖焗多士 #1am0802 #1ambackup
14 瀏覽
1 讚好
0 留言
張貼
