影片
更多
2025-02-05
293 瀏覽
【油尖旺區】【霸嗎拉麵】成日經過 The One 對面呢間喺斜路上面嘅拉麵店，成日都好想試，但係冇乜機會。今次適逢佢哋推出「蒜山黑蒜醬油拉麵」，作為大蒜控嘅我一定要試。咁啱經理哥都喺附近，就叫佢陪埋我試。佢試 $95 嘅「炙燒豚肉味玉拉麵」，佢話都幾好食，唔錯。咁我就梗係試 $95 嘅「蒜山黑蒜醬油拉麵」，濃厚豬骨湯底配黑蒜醬油嘅經典蒜山拉麵係期間限定嘅，蒜香超濃，爆多大蒜，多到根本食唔晒，成碗都係，勁滿足。我覺得大蒜仲多過拉麵，好癲，大蒜控一定要試。跟住我哋仲叫咗啲小食，我哋都係 share 食。跟餐嘅分別各加咗 $38 試兩件「咖喱薯餅」同四隻「雞皮餃子」，前者薯味好香勁邪惡，後者新鮮熱辣，一啖一隻勁爽皮。跟住我哋散叫咗 $35 五件嘅「唐揚炸雞」嚟試，嘩，外脆內嫩，有啲驚喜喎。埋單 $301，喺尖沙咀食到咁多好味嘅日式食物，唔貴喎。。。（地址：尖沙咀金巴利道26號地舖）
咁我就梗係試 $95 嘅「蒜山黑蒜醬油拉麵」，濃厚豬骨湯底配黑蒜醬油嘅經典蒜山拉麵係期間限定嘅，蒜香超濃，爆多大蒜，多到根本食唔晒，成碗都係，勁滿足。我覺得大蒜仲多過拉麵，好癲，大蒜控一定要試。跟住我哋仲叫咗啲小食，我哋都係 share 食。
跟餐嘅分別各加咗 $38 試兩件「咖喱薯餅」同四隻「雞皮餃子」，前者薯味好香勁邪惡，後者新鮮熱辣，一啖一隻勁爽皮。跟住我哋散叫咗 $35 五件嘅「唐揚炸雞」嚟試，嘩，外脆內嫩，有啲驚喜喎。埋單 $301，喺尖沙咀食到咁多好味嘅日式食物，唔貴喎。。。
（地址：尖沙咀金巴利道26號地舖）
張貼
