影片
更多
2023-05-06
506 瀏覽
【灣仔區】【皇后餃子】大家最近應該留意到我呢度係有一啲嘅轉變，唔止係文字上可能溫和咗，呢個係我自己唔覺但係係其他人話我知。而且我係將個 post 嘅第一幅圖加上咗餐廳名同埋地區，唔知大家中唔中意而家呢個安排，歡迎大家發表吓意見。點解無啦啦講呢樣嘢，其實首先就係我而家要寫呢間嘢真係冇咩好寫，本身我係想食其他嘢而走咗嚟灣仔呢頭，點知去到先知佢冇開，咁我咪即刻搵吓有咩食囉。行行吓灣仔道就見到大大隻字寫住皇后餃子，就走入去食少少嘢試吓佢先囉。佢哋其實唔止餃子，仲有其他粉麵類，牛腩呀，牛筋呀，牛肚呀嗰啲配麵食咁，不過我當刻又覺得我行得入呢間餃子店咯，我就梗係食餃子啦。咁佢啲餃子都有分湯餃同煎餃架喎，我自己其實比較中意食湯餃嘅，個感覺好似較為原汁原味咁。佢有五款餃嘅，分別係「鮮肉韮菜餃」、「鮮肉粟米餃」、「鮮肉白菜餃」、「鮮肉椰菜餃」同埋「鮮肉芫茜餃」嘅，當中有芫茜嘅「鮮肉芫茜餃」係貴兩蚊。不過我當刻想試都冇用，賣晒，然後好多都話賣晒，直到廚房入面話包緊先有。見你咁新鮮，我當然願意等一等啦，都好快就有。首先係「鮮肉韮菜餃」，韮菜配餃子其實真係冇得輸，點整都好食，包括呢間。而之後嘅「鮮肉粟米餃」當然
點解無啦啦講呢樣嘢，其實首先就係我而家要寫呢間嘢真係冇咩好寫，本身我係想食其他嘢而走咗嚟灣仔呢頭，點知去到先知佢冇開，咁我咪即刻搵吓有咩食囉。行行吓灣仔道就見到大大隻字寫住皇后餃子，就走入去食少少嘢試吓佢先囉。
佢哋其實唔止餃子，仲有其他粉麵類，牛腩呀，牛筋呀，牛肚呀嗰啲配麵食咁，不過我當刻又覺得我行得入呢間餃子店咯，我就梗係食餃子啦。咁佢啲餃子都有分湯餃同煎餃架喎，我自己其實比較中意食湯餃嘅，個感覺好似較為原汁原味咁。
佢有五款餃嘅，分別係「鮮肉韮菜餃」、「鮮肉粟米餃」、「鮮肉白菜餃」、「鮮肉椰菜餃」同埋「鮮肉芫茜餃」嘅，當中有芫茜嘅「鮮肉芫茜餃」係貴兩蚊。不過我當刻想試都冇用，賣晒，然後好多都話賣晒，直到廚房入面話包緊先有。
見你咁新鮮，我當然願意等一等啦，都好快就有。首先係「鮮肉韮菜餃」，韮菜配餃子其實真係冇得輸，點整都好食，包括呢間。而之後嘅「鮮肉粟米餃」當然淡味好多，而佢淡得嚟，個粟米味又唔算話出到，相對而言係比韮菜餃略為失色嘅。
加 $5 叫咗杯「凍豆漿」，都係正正常常啦，冇乜特別。成餐用咗我 $43，都唔係貴，灣仔嗰個位食喎。而份量上，每款五隻嘅餃子其實都唔算少，只係我嗰時比較大食，所以食完呢餐之後，我係去咗另一間餐廳食嘢嘅，就係佢對面。
餐飯仲有個小插曲，就係鄰座客人聽到侍應同我講廚房有即包韮菜餃，即時表達佢感到不滿。因為我入去之前侍應話佢聽韮菜餃賣晒，但我入去時侍應就話包緊，我覺得個客有佢嘅道理，餐廳要好好處理 stock 嘅問題，我看在眼裡都會講出嚟嘅。。。
（地址：灣仔灣仔道152-158號南開大廈地舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0500 #globaleats #tastyfood #foodpics #followforfollowback #love #eat #1am灣仔區 #灣仔 #灣仔道 #皇后餃子 #鮮肉粟米餃 #鮮肉韮菜餃 #凍豆漿 #水餃 #粟米餃 #韮菜餃 #餃子店
張貼
