麵家

【灣仔區】【麵家】同美女朋友喺銅鑼灣登龍街搵嘢食，除咗地舖，仲有樓上舖，我之前都講過好幾間。不過今次美女朋友話唔介意陪我試新嘢，咁就試呢間喺街口嘅餐廳「麵家」。佢哋係用雞白湯同港式粉麵 crossover，都幾特別嘅。湯底係佢哋自家製，熬足 8 個鐘以上，可以成碗飲埋㗎。佢試 $78 嘅「咩都有麵」配幼麵，碗嘢就真係咩都有，雲吞、墨丸、牛丸、魚蛋、牛腩、貢丸，配合濃郁而足料嘅雞白湯，非常高質。我就試 $66 嘅「秘製慢煮牛腩撈麵」配粗麵，慢煮牛腩口感嫩滑，好正，加埋大地魚雞白湯同埋蔥油，係味覺嘅昇華啊。跟住試碗 $48 嘅「招牌櫻花蝦雲吞」配雞白湯，淨食雲吞好大粒，蝦味超香濃。而 $22 嘅「時令油菜」係菜心苗，好合時，加埋腩汁好夾。嘢飲佢叫 $12 嘅「豆漿」，係壹品豆漿嗰隻，幾特別。我就飲 $15 嘅「冷萃烏龍茶」，淳茶舍嘅出品，係掂嘅。。。（地址：銅鑼灣登龍街18號V Point地下3號舖）@mingaa.hk#1amfoodie #foodie #hkfoodie #thatfoodiething #hkfood #food #instafood #yummy #foodlov