一家

營業中

休息中

【荃灣區】【一家】一而再再而三咁講之前做完手術成日蒲荃灣，因此就促成咗好多次同朋友食飯嘅機會。最重要嘅係朋友知道我係一個 foodie，都唔介意我喺食飯之前影一影相。呢點好重要，如果對方介意嘅話，成件事就會有啲麻煩。咁之前接 job，有啲都搵佢一齊食，識做。呢一晚佢就同我講天橋陣荃豐嗰頭唔係淨係食餃子，有一間平民式西餐廳幾好食，好似一家人經營咁嘅感覺，咁就去食吓啦。我哋都有 share 啲肉嚟食，兩碟意粉都係燒汁，就一齊講喇。首先係 $90 嘅「香草煎羊架意大利粉」，羊架有兩枝，整體感覺 okay。另外就食 $79 嘅「豬仔髀骨意大利粉」，呢款有三枝，都係可以嘅。最重要嘅係，呢兩碟都好簡單，冇乜花巧嘢，簡單而粗暴，幾好。嘢飲朋友話奶昔幾好，佢加 $6 飲「芒果奶昔」，而我都加 $6 飲「牛油果奶昔」，唔算好正。埋單 $181，簡單嘅一餐囉。。。（地址：荃灣西樓角路202-216號荃昌中心昌寧商場1樓40號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #