海王潮州樓（金富） (已結業)

🌗潮陽炸蝦蟹棗 $128每款各有四粒，兩樣都有馬蹄碎，炸得幾好夠乾爽，蟹棗係見到一絲絲蟹肉，質感比較鬆散，俾炸蝦球比下去🙈。平時炸物多數都係點泰式辣醬，呢度附上醬油膏，甜甜地又幾夾喎👍🏻。🌗窩貼煎菜心 $68天真嘅我以為係用煎窩貼嘅方法黎煎菜心，咁咪會好易煎燶囉🤔🤔🤔，原來係將菜心混入墨魚膠之中再拎去煎🤣，彈牙中又有點爽口，不過粉漿較厚，同埋略嫌少少油膩。🌖鵝片撈麵（碗） $70鵝片真心推介！滷水味道又唔會太鹹，脂肪唔多，食落唔油，入口溶化滋潤左瘦肉嘅部位👍🏻。麵係粗麵，放得耐都唔會吸曬水發脹，麵嘅味道偏淡，加返少少鹹味會更好，不過梗係有種鹼水味，我就唔係咁鍾意。食潮州野必食滷水野，本身想叫鵝片/拼盤，但份量太多，兩個人食會食到悶，好彩比我發現到呢碗麵，食到鵝片、份量適中、仲可以飽肚😄。🌖陳皮紅豆沙免費附送嘅甜品，紅豆起曬沙，渣多水少夠足料👍🏻。-另收茶錢每位$13；咸菜（花生一碟）$14；有加一服務費，服務態度正常，未有如其他食評之中嘅遭遇。