好味餃子店

營業中

休息中

之前試過買佢地嘅生椰菜餃返屋企煮覺得幾好食 哩度有野葛菜生魚豬骨湯係每日新鮮熬製4小時不含味精由於想試埋佢嘅煎餃今次就嚟堂食試吓🔸雙拼湯餃（$49/10隻）餃皮夠薄、好滑！韮菜餃味道好濃。椰菜餃d菜好爽口，仲有啲木耳絲，個人鍾意椰菜餃。😋野葛菜生魚豬骨湯呈奶白色，入口幾濃郁，有養陰清熱、化痰止咳功效，飲多幾啖先！🔸雙拼煎餃（$39/6隻）韮菜餃好適合煎，煎仲仲香！貼埋煎餃個皮食落有煙韌d，口感幾好。另外一款係粟米豬肉餃，口味香甜。🔸 羅漢果甘草茶（$15/樽）係自家製，濃得嚟唔會有澀味，真心幾好飲👍🏻👍🏻仲好飲過出面涼茶舖個啲。