Cafe de Tiffany (已結業)

親戚住係聯和墟，成日都會過去食飯，不過咁耐以黎都未試過呢間西餐廳，見到枱枱都叫扒餐🥩，食肉獸要黎會一會佢啦！是日六點黎到已經有人開始入座，七點半走嘅時候開始full house，唔想等嘅話記得早啲黎。🌖火焰七打牛柳大虎蝦 $168有「火焰」呢個視覺效果，梗係要叫黎睇吓震撼下！食都食得開胃啲～火焰🔥系列有三個選擇，分別係牛柳大虎蝦（$168）、燒春雞（$128）、美式豬肋骨（$128）；二人餐（$248）都可以點呢三樣（不過會無左大虎蝦），真係幾抵食！不過我今日帶住兩個兒甥外出覓食，叫兩個扒應該食唔曬，加上牛柳大虎蝦一碟有曬兩樣嘢食（呢個先係主因🤣🤣），啱曬三心兩意嘅我～～牛柳叫左5️⃣成熟，都有怕六歲嘅兒甥食唔到咁生，不過鐵板上再加埋有火焰加持，切開生熟度剛好，無血水得黎咬落又多汁，兒甥都舉曬大姆指話好味；大虎蝦🦐已經開曬邊去曬腸，用刀叉已經可以輕易脫殻，咬落新鮮彈牙😋。🌖黑松露忌廉野菌意粉 $88意粉唔會太稔，野菌分量都幾多，忌廉汁濃稠度剛好，不過黑松露味就唔係好夠。套餐配有餐湯同黑糖麵包，扒餐配有薯條🍟，可加$10 加配飯🍚或意粉🍝，仲可以免費加生蒜🧄。