影片
更多
2023-06-01
485 瀏覽
【觀塘區】【金飯館】呢間其實好耐之前已經聽家兄提及，所以已經去咗試，不過我硬係覺得去得一次就唔足以令我寫佢，所以就一直都 hold 住咗。係呀，可能新朋友未必知，有時我寫用餐體驗都會想食超過一次先開 post 寫，好似好啲嘛。咁我第一次去係家兄建議，話要食呢度啲炒飯，咁我就用 $78 試個「即叫即炸椒鹽豬扒飯」，成個飯惹味而有心思，個炒飯底係炒到一粒粒，掂。加 $12 要隻「燶邊蘭王煎蛋」，都煎得好好，真係外燶邊內軟滑，有質素。食啲咁邪惡嘅嘢點會唔飲嘢，加 $12 要埋「樽裝忌廉」，真係玻璃樽，嗰排係翻出冇耐嘅，好有新鮮感。成餐飯 $102 當然唔平，但平凡食物易得，好食嘅就難求，抵畀嘅。不過一直都想二訪，聽聞佢有嘢新出，咁就去食吓。點知新出嗰樣嘢原來下午茶時段先有，睇啲咩假期咩周刊完全冇人提及過，真係害人不淺。咁我喺午市時段坐低咗咯，就都叫吓嘢食啦。叫咗個 $78 嘅「黃金海皇泡飯」，有別於炒飯感覺，但味道依然夠濃香，都係好食嘅嘢。個飯加 $8 有個凍「手攪檸檬茶」，係幾好飲嘅，唔係一般茶記檸茶，呢餐就食咗 $86。第三次去就下午茶時段去，終於食到 $68 嘅「爆茜黃酒雞子米線」，黃
咁我第一次去係家兄建議，話要食呢度啲炒飯，咁我就用 $78 試個「即叫即炸椒鹽豬扒飯」，成個飯惹味而有心思，個炒飯底係炒到一粒粒，掂。加 $12 要隻「燶邊蘭王煎蛋」，都煎得好好，真係外燶邊內軟滑，有質素。
食啲咁邪惡嘅嘢點會唔飲嘢，加 $12 要埋「樽裝忌廉」，真係玻璃樽，嗰排係翻出冇耐嘅，好有新鮮感。成餐飯 $102 當然唔平，但平凡食物易得，好食嘅就難求，抵畀嘅。不過一直都想二訪，聽聞佢有嘢新出，咁就去食吓。
點知新出嗰樣嘢原來下午茶時段先有，睇啲咩假期咩周刊完全冇人提及過，真係害人不淺。咁我喺午市時段坐低咗咯，就都叫吓嘢食啦。叫咗個 $78 嘅「黃金海皇泡飯」，有別於炒飯感覺，但味道依然夠濃香，都係好食嘅嘢。
個飯加 $8 有個凍「手攪檸檬茶」，係幾好飲嘅，唔係一般茶記檸茶，呢餐就食咗 $86。第三次去就下午茶時段去，終於食到 $68 嘅「爆茜黃酒雞子米線」，黃酒味勁濃，芫茜多，雞子又勁邪惡，正，不枉我特登走入去食呀。
加 $5 飲「凍奶茶」就 $73，好似係咁，張單冇畀返我所以忘記咗價錢。因為都過咗一段時間架喇，嗰時仲想食埋「椒鹽雞子炒飯」先一次過寫，但係我估我身體機能短時間內受唔到兩次雞子宴，我就拋磚引玉等大家啦。。。
（地址：牛頭角牛頭角道323號地下J號舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #牛頭角 #金飯館 #即叫即炸椒鹽豬扒飯 #蘭王蛋 #樽裝汽水 #黃金海皇泡飯 #手攪檸檬茶 #爆茜黃酒雞子米線 #1am0818 #1ambackup
張貼
