大尾篤麥師傅 (已結業)

放假成日想遠離下市區，過得特別d ，前排發現大埔麥師傅有$190 任食5個鐘嘅bbq（包2杯飲品，另加$60開爐費），唔駛準備好多野就可以燒烤，真係正！【40幾秒翻一翻】比入場費後，店員會安排開爐，而一開始去攞食物時會先係大大一盤肉，全部都係精選來～海報上會有麥師傅燒烤tips，就係40幾秒翻一翻，夠火喉，試左咁樣燒後，果然燒到d 肉幾滋味！【醃料出色】基本上每樣食物都醃得好入味。個人最鍾意咖哩魷魚🦑，燒幾分鐘就ok，咖哩味辣香惹味，魷魚有嚼勁！另外，仲有大大塊豬扒，攞上手已經覺得有重量，肥瘦適中，肉質幾軟嫩，燒嘅時候仲好搶🔥，包夠火後！燒烤一定唔少得我最鍾意食嘅雞翼，同樣都幾多肉，醃得香口。比較特別，必烤來食嘅仲有脆邊蜜汁叉燒，蜜糖燒過後好香口甜甜地，啖啖滋味。食過安排好嘅食物後，就可以去食物區攞下其他肉類、丸、粟米🌽、燒賣、多春魚等😆😆or encore想食的。【同場加影：小攤位】同場仲有好多小攤位，例如撈金魚、玻璃畫等，可以邊燒邊玩！