影片
更多
2025-02-28
0 瀏覽
「Sick Burger」係一間出名飲奶昔嘅漢堡包店🍔 間舖頭仲自稱「搖奶聖手」🤔由馬鞍山開到銅鑼灣，真係有兩度扳手😏嚟到呢度，第一件事唔係望漢堡包，係望吓有咩奶昔選擇😛我同老公就各自揀咗雲呢拿、芋頭奶昔。我鍾意「芋頭奶昔」多過雲呢拿奶昔，覺得「芋頭奶昔」層次比較豐富，用咗香港風味既「維他奶」做奶底，仲加港式盒裝豆腐花、芋圓做配料🤫冇直接用牛奶，感覺上輕盈咗唔少👍「撚手牛肉漢堡」同「招牌牛肉漢堡」，望落分別唔係好大，最主要「撚手牛肉漢堡」係多咗燶邊煎蛋、大塊煙肉😛撚手牛肉漢堡就留咗俾老公，我自己就試咗「招牌牛肉漢堡」，見到師傅將牛肉即叫即煎，上枱仲係熱辣辣，好彩佢俾咗漢堡包紙托，牛肉汁多到流出嚟🤤小食我哋揀咗「金沙黃紫菜薯條」、「黑啤蔥油洋蔥圈 」，兩者比較，比較喜歡薯條，主要係鹹蛋黃出哂沙，將薯條加入鹹蛋黃翻炒，再加埋蛋黃醬食，呢件事超級邪惡😈冇理由唔揀佢！✦ 撚手牛肉漢堡｜單層 $93▸ 金沙黃紫菜薯條 +$42▸ 雲呢拿奶昔+$48✦ 招牌牛肉漢堡｜單層 $73▸ 黑啤蔥油洋蔥圈 +$34▸ 芋頭奶昔 +$48
「Sick Burger」係一間出名飲奶昔嘅漢堡包店🍔 間舖頭仲自稱「搖奶聖手」🤔由馬鞍山開到銅鑼灣，真係有兩度扳手😏
嚟到呢度，第一件事唔係望漢堡包，係望吓有咩奶昔選擇😛我同老公就各自揀咗雲呢拿、芋頭奶昔。
我鍾意「芋頭奶昔」多過雲呢拿奶昔，覺得「芋頭奶昔」層次比較豐富，用咗香港風味既「維他奶」做奶底，仲加港式盒裝豆腐花、芋圓做配料🤫冇直接用牛奶，感覺上輕盈咗唔少👍
「撚手牛肉漢堡」同「招牌牛肉漢堡」，望落分別唔係好大，最主要「撚手牛肉漢堡」係多咗燶邊煎蛋、大塊煙肉😛
撚手牛肉漢堡就留咗俾老公，我自己就試咗「招牌牛肉漢堡」，見到師傅將牛肉即叫即煎，上枱仲係熱辣辣，好彩佢俾咗漢堡包紙托，牛肉汁多到流出嚟🤤
小食我哋揀咗「金沙黃紫菜薯條」、「黑啤蔥油洋蔥圈 」，兩者比較，比較喜歡薯條，主要係鹹蛋黃出哂沙，將薯條加入鹹蛋黃翻炒，再加埋蛋黃醬食，呢件事超級邪惡😈冇理由唔揀佢！
✦ 撚手牛肉漢堡｜單層 $93
▸ 金沙黃紫菜薯條 +$42
▸ 雲呢拿奶昔+$48
✦ 招牌牛肉漢堡｜單層 $73
▸ 黑啤蔥油洋蔥圈 +$34
▸ 芋頭奶昔 +$48
張貼
