如月居酒屋

營業中

休息中

今次就去到旺角一間主打食日本菜式嘅居酒屋🏮 - 如月居酒屋，餐廳嘅內部環境乾乾淨淨🧼，主要以木色為主調🌳，帶有現代日本居酒屋風格，餐廳提供嘅食物種類都唔少㗎，而今次我哋就叫咗餐廳嘅招牌如月丼及松葉蟹肉炒飯😋🌟 如月丼呢一個丼飯真係不得了，一共有九款刺身，包括三文魚🐟，赤身🐠，油甘魚🐡，牡丹蝦🦐，帆立貝🐚，海膽🦪，松葉蟹肉🦀，三文魚籽🍣，蟹籽，每一款刺身都非常之新鮮，食落去鮮甜😋而且佢哋嘅丼飯已經加入了豉油，令到刺身嘅鮮味更突出。🌟 松葉蟹肉炒飯超多蟹肉鋪喺炒飯上面🍚，居酒屋嘅炒飯非常之有鑊氣🔥，味道控制得啱啱好，再加入蟹肉令到成個炒飯更鮮甜。