蟹點

營業中

休息中

記得往年去新加坡旅遊時，必食當地的胡椒炒蟹，蟹肉滲著胡椒香味，好食到停不了口。今次機緣巧合，同朋友在鴨脷洲這間餐廳食生日飯，居然搵番果個味道。招牌白胡椒蟹，既然話得招牌，不是隨便講，隻蟹有一斤重，超大隻，白胡椒醬汁裹著每一件蟹，啖啖肉，趁熱食超正。而且有圍裙和即棄手套提供，不怕整污糟雙手。咕嚕肉，色澤好靚，有些紅椒青椒一齊炒，咕嚕肉外脆內軟，口感還有些爽口，一整條新鮮菠蘿，香甜又多汁。蒜蓉蒸聖子，聖子的Size很大隻，以蒜蓉和粉絲去蒸，精華盡在其中，聖子都幾新鮮，不過有少許沙。馬拉盞炒通菜，泰式炒通菜是最好食的，爽脆惹味。椰汁斑蘭糕，不得不讚下呢個甜品，玫瑰花型十分吸睛，再者椰汁斑蘭香味濃郁，柔軟剛剛好。椰青，想不到椰青如此大個，椰青水非常清甜，而且Keep著清涼。不得不提蟹點的菜式真係好多，粵式、潮州、泰式、新加坡都可以食到，雖然位於熟食市場上面，但環境明亮乾淨，以海洋做主題，添上一番風味。